दक्षिण आफ्रिका आणि पाकिस्तान संघात टी२० मालिका चालू आहे. ४ टी२० सामन्यांच्या मालिकेतील दुसरा सामना सोमवारी(१२ जानेवारी) दक्षिण आफ्रिका संघाने जिंकला आहे. दक्षिण आफ्रिका संघाने सामना जिंकल्यामुळे मालिकेत त्यांनी १-१ बरोबरी साधली आहे. यावेळी दक्षिण आफ्रिका संघाचा गोलंदाज असणाऱ्या जॉर्ज लिंडने यात महत्वाची भूमिका बजावली. त्याने ४ षटकांत २३ धावांत ३ विकेट्स घेतल्या. आज या लेखात आपण याच जॉर्ड लिंडबद्दल जाणून घेऊ.
लिंड शालेय क्रिकेटमध्ये असताना वेगवान गोलंदाजी करायचा. परंतु दक्षिण आफ्रिकेतील १३ वर्षांखालील पश्चिम विभागीय संघात निवड झाल्यानंतर त्याने फिरकी गोलंदाजीला सुरुवात केली आणि त्यानंतर कधीही मागे वळून पाहिले नाही. शाळा संपल्यानंतर लिंड क्लब क्रिकेट खेळण्यासाठी ब्रिटनमध्ये गेला. तेथून दक्षिण आफ्रिकेला परतल्यानंतर त्याने प्रथम पश्चिम प्रांताच्या हौशी आणि नंतर कोब्रा फ्रँचायझी संघात अष्टपैलू खेळाडू म्हणून प्रवेश केला.
साल २०१७-१८ मधील स्थानिक स्पर्धेत त्याने सर्वात जास्त बळी मिळवून सहावे स्थान मिळवले. त्यावेळी त्याने १५ बळी घेतले होते. तेथून पुढे मर्यादित षटकांच्या सामन्यात लिंड खेळायला लागला. येथील चांगल्या कामगिरीमुळे कॅप्टन ब्लिट्झ संघाने २०१८-१९ मध्ये त्याला मजांशी सुपर लीग स्पर्धेत सहभागी करून घेतले. त्याने तेथेही पाच विकेट्स घेतल्या.
ऑगस्ट ते सप्टेंबर २०१९ मध्ये लिंडला दक्षिण आफ्रिकेच्या अ संघात स्थान मिळाले. त्यावेशी अनधिकृत एकदिवसीय सामन्यांच्या मालिकेत सर्वाधिक बळी घेणारा तो दुसरा खेळाडू होता. त्याचवर्षी भारत दौऱ्यातील टी२० मालिका खेळण्यासाठी दक्षिण आफ्रिकेच्या संघात त्याला स्थान मिळाले आणि केशव महाराज जखमी झाल्यावर शेवटच्या कसोटी संघातही त्याची निवड झाली.
लिंडने आतापर्यंत ३ कसोटी सामन्यांमध्ये ९ बळी आणि ५ आंतरराष्ट्रीय टी२० सामन्यांमध्ये ५ बळी मिळवले. त्याने आतापर्यंत ९१ टी२० क्रिकेट सामन्यांमध्ये २१९५ धावा मिळवून ९५ बळी मिळवले आहेत.
महत्त्वाच्या बातम्या –
रोहितचे अर्धशतक हुकले पण केला ‘हा’ मोठा कारनामा; आता केवळ विराट आणि रैना आहेत पुढे
मुंबई इंडियन्सने केलेल्या ‘त्या’ ट्विटने जिंकले मराठी चाहत्यांचे मन; पाहा असं काय लिहिलं होतं
दे घुमा के! सुर्यकुमारचा ९९ मीटरला हेलिकॉप्टर षटकार पाहून हार्दिक पंड्याही झाला थक्क, पाहा व्हिडिओ
