मुंबई । भारतातील कोविड -१९च्या घटनांमध्ये वाढ झाल्यामुळे, संयुक्त अरब अमिरातीमधील (यूएई) दुबई, अबू धाबी आणि शारजाह येथे यावर्षी जगातील सर्वात मोठी टी 20 लीग म्हणजेच आयपीएल होणार आहे. दरम्यान, कोलकाता नाइट रायडर्सचा (केकेआर) कर्णधार दिनेश कार्तिक यांने बुधवारी सांगितले की, यावेळी त्यांचा संघ ऐतिहासिक ईडन गार्डन्समधील आयपीएल सामन्यादरम्यान संघाला चाहत्यांकडून मिळणारे प्रोत्साहन मिस करतील.
अबू धाबीमध्ये ‘तू फन नहीं तूफान’ नावाच्या मोहिमेच्या शुभारंभा दरम्यान दिनेश कार्तिकने सांगितले की, “यावर्षी आम्ही आम्हाला आमच्या चाहत्यांची आणि ईडन गार्डन्सच्या उर्जाची खूपच आठवण येईल.”
तो म्हणाला की, “केकेआर चाहत्यांसोबत थेट जोडले जाऊ अशी आमची इच्छा होती. चाहत्यांना आम्हाला सांगायचे होते की ते आमच्यासाठी किती महत्त्वाचे आहेत. आम्ही समजू शकतो की ते आमच्याबरोबर येथे येऊ शकत नाहीत, परंतु ते आमच्या अंत: करणात राहतील.”
“हा हंगाम पश्चिम बंगालच्या लोकांसाठी असेल, ज्यांना यावेळी अम्फान चक्रीवादळ आणि कोरोनाचा सामना करावा लागला आहे. आमच्या क्रिकेटमधून त्याच्या चेहर्‍यावर हास्य आणायचं आहे,” असेही दिनेश कार्तिकने सांगितले.
यावर्षी कोरोना विषाणूमुळे आयपीएल 2020 चे आयोजन भारतबाहेर केले आहे. केकेआरने ही व्हर्च्युअल पद्धतीने जगभरात आपल्या चाहत्यांपर्यंत पोहोचण्यासाठी ‘तू फन नहीं तूफान’ मोहीम चालविली आहे. कोलकाता नाइट रायडर्स आपला पहिला सामना 23 सप्टेंबरला अबुधाबीमध्ये मुंबई इंडियन्स विरुद्ध खेळणार आहे.