पुणे। अजिंक्य क्रिकेट क्लबच्या वतीने आयोजित स्वर्गीय अण्णा नेवरेकर(सर) स्मृती करंडक 14 वर्षाखालील क्रिकेट करंडक स्पर्धेत साखळी फेरीत 2 एन क्रिकेट अकादमी संघाने यंग स्टार क्रिकेट अकादमी संघाचा 39 धावांनी पराभव करत स्पर्धेत आगेकुच केली.
एके क्लब, साळुंबरे येथे सुरू असलेल्या या स्पर्धेत साखळी फेरीत पहिल्यांदा खेळताना सजय सुतारच्या अष्टपैलू कामगिरीच्या जोरावर 2 एन क्रिकेट अकादमी संघाने 20 षटकात 7 बाद 153 धावा केल्या. यात सजय सुतारने 38 चेंडूत 7 चौकार व एका षटकारासह 48 धावा करून संघाचा डाव बळकट केला. वीर चोरडीयाने 18 तर वेदांत वावळे व भावेश चौधरी यांनी प्रत्येकी 15 धावा करून साजयला सुरेख साथ दिली. 153 धावांच्या आव्हानाचा पाठलाग करताना सजय व निनादच्या अचूक गोलंदाजीने यंग स्टार क्रिकेट अकादमी संघाचा डाव 20 षटकात 8 बाद 114 धावांत रोखला. सजय सुतार सामनावीर ठरला.
स्पर्धेचा सविस्तर निकाल: साखळी फेरी:
2 एन क्रिकेट अकादमी- 20 षटकात 7 बाद 153 धावा(सजय सुतार 48(38, 7×4, 1×6), वीर चोरडीया 18(26, 2×4), वेदांत वावळे 15(12, 1×4), भावेश चौधरी 15(15, 2×4), कृष्णा अगरवाल 2-26, संदिप उमटे 2-28) वि.वि यंग स्टार क्रिकेट अकादमी- 20 षटकात 8 बाद 114 धावा(कृष्णा अगरवाल 35(35, 4×4), साईराज कामटे नाबाद 19(52, 1×4), सजय सुतार 2-15, निनाद 2-20, विजय चिद्रवार 1-5) सामनावीर- सजय सुतार
2 एन क्रिकेट अकादमी संघाने 39 धावांनी सामना जिंकला.
