महिला प्रीमियर लीगचा (Women Premier League 2025) तिसरा हंगाम संपला. फायनल सामना मुंबई इंडियन्स विरूद्ध दिल्ली कॅपिटल्स संघात खेळला गेला. आ सामन्यात सामन्यात मुंबईने दिल्ली कॅपिटल्सचा 8 धावांनी धुव्वा उडवला. मुंबईने ऐतिहासिक कामगिरी करत दुसऱ्यांदा डब्ल्यूपीएलच्या जेतेपदावर आपले नाव कोरले. तर दिल्लीला सलग तिसऱ्यांदा फायनलमध्ये पराभवाचा सामना करावा लागला.
या हंगामात मुंबईसाठी काही खेळाडूंची कामगिरी उत्कृष्ट होती आणि त्यांनी संघाला चॅम्पियन बनवण्यात महत्त्वाची भूमिका बजावली. दिल्ली संघानेही शानदार कामगिरी करत फायनल फेरी गाठली. पण पुन्हा एकदा त्यांना पराभव स्वीकारावा लागला.
डब्ल्यूपीएल फायनल जिंकणाऱ्या मुंबई संघाला 6 कोटी रुपयांचे रोख बक्षीस मिळाले, तर उपविजेत्या दिल्ली संघाला 3 कोटी रुपयांचे रोख बक्षीस मिळाले. स्पर्धेच्या शेवटी, हंगामातील सर्वोत्तम खेळाडूपासून ते हंगामातील सर्वोत्तम झेलपर्यंत विविध पुरस्कार देण्यात आले. फायनल सामन्यानतर विविध पुरस्कारांची घोषणा आणि वितरण देखील करण्यात आले. वैयक्तिक खेळाडूंना एकूण 8 पुरस्कार देण्यात आले.
महिला प्रीमियर लीग 2025च्या सर्व पुरस्कार विजेत्यांची यादी-
1) विजेता संघ (6 कोटी रुपये)- मुंबई इंडियन्स
2) उपविजेता संघ (3 कोटी रुपये)- दिल्ली कॅपिटल्स
3) इमर्जिंग प्लेयर ऑफ द सीझन- (5 लाख रुपये)- अमनजोत कौर (मुंबई इंडियन्स)
4) मोस्ट वॅल्यूएबल प्लेयर- (5 लाख रुपये)- नॅट सायव्हर-ब्रंट (मुंबई इंडियन्स)
5) ऑरेंज कॅप (5 लाख रुपये) – नॅट सायव्हर-ब्रंट (मुंबई इंडियन्स, 523 धावा)
6) पर्पल कॅप (5 लाख रुपये) – अमेलिया कर (मुंबई इंडियन्स, 18 विकेट्स)
7) सर्वाधिक षटकारांचा पुरस्कार (5 लाख रुपये)- अॅशले गार्डनर (गुजरात जायंट्स, 18 षटकार)
8) सर्वोत्तम स्ट्राइक रेट पुरस्कार (5 लाख रुपये)- शीनेल हेन्री (यूपी वॉरियर्स)
9) हंगामातील सर्वोत्तम खेळाडू (5 लाख रुपये)- अॅनाबेल सदरलँड (दिल्ली कॅपिटल्स विरुद्ध मुंबई इंडियन्स)
10) सर्वाधिक डॉट बॉल (5 लाख रुपये)- शबनीम इस्माईल (मुंबई इंडियन्स, 131 डॉट बॉल)
11) फेअर प्ले अवॉर्ड (5 लाख रुपये)- गुजरात जायंट्स
