---Advertisement---

बीसीसीआयच्या त्या व्हिडिओमध्ये कोण आहे ती व्यक्ती?

On: बुधवार, नोव्हेंबर 13, 2019 6:22 PM
---Advertisement---

इंदोर। भारत विरुद्ध बांगलादेश(India vs Bangladesh) संघात उद्यापासून(14 नोव्हेंबर) 2 सामन्यांची कसोटी मालिका(Test Series) सुरु होणार आहे. या मालिकेतील पहिला कसोटी सामना(1st Test) 14 ते 18 नोव्हेंबर दरम्यान होळकर क्रिकेट स्टेडियमवर होणार आहे. तर दुसरा सामना 22 ते 26 नोव्हेंबर दरम्यान कोलकाताला होणार आहे.

विशेष म्हणजे दुसरा सामना दिवस-रात्र कसोटी सामना असणार आहे. हा भारताचा पहिलाच दिवस-रात्र कसोटी सामना असणार आहे. त्यामुळे भारतीय संघाने दिवस-रात्र कसोटीसाठी इंदोरमध्ये मंगळवारी गुलाबी चेंडूने सराव केला आहे.

यादरम्यानचा एका व्यक्तीने गुलाबी चेंडूंचा बॉक्स उघडतानाचा व्हिडिओ बीसीसीआयने सोशल मीडियावर शेअर केला आहे.

तसेच या व्हिडिओला बीसीसीआयने कॅप्शन दिले आहे की ‘पहा कोण इथे आले आहे- गुलाबी चेंडूचा बॉक्स उघडत आहे. आज भारतीय संघाने नेटमध्ये गुलाबी चेंडूने सराव केला आहे.’

https://twitter.com/BCCI/status/1194237138981642242

मात्र या व्हिडिओमधील व्यक्ती कोण आहे, याबद्दल बीसीसीआयने कोणतीही कल्पना दिलेली नाही. पण या व्हिडिओमध्ये दिसणाऱ्या व्यक्तीने हातात केमोफ्लाज लेदर घड्याळ घातले आहे. तसेच त्याच्या शरिरयष्टीवरुन तो भारताचा यष्टीरक्षक फलंदाज एमएस धोनीसारखा वाटत असल्याने अनेक चाहत्यांनी तो धोनीच असल्याचे म्हटले आहे.

https://twitter.com/ajeetsunilajeet/status/1194244059390529540

धोनी मागील अनेक महिने आंतरराष्ट्रीय क्रिकेटपासून दूर आहे. त्याने भारताकडून शेवटचा सामना 2019 विश्वचषकात न्यूझीलंडविरुद्ध खेळला आहे. त्यानंतर त्याने क्रिकेटमधून विश्रांती घेतली आहे.

Join WhatsApp

Join Now

Join Telegram

Join Now
---Advertisement---