सोमवारी (1 मे) लखनऊच्या इकाना स्टेडियमवर लखनऊ सुपर जायंट्सला रॉयल चॅलेंजर्स बेंगलोर संघाकडून 18 धावांनी पराभव स्वीकारावा लागला. अत्यंत रोमांचक झालेल्या सामन्यापेक्षा सर्वाधिक चर्चा झाली, सामन्यानंतर झालेल्या वादाची. लखनऊच्या डावावेळी सुरू झालेला हा वाद सामना संपल्यानंतर मर्यादेच्या बाहेर गेला.
https://twitter.com/IconicKohIi/status/1653104521453920259?t=UWiJBpzFU-153z4c356vSQ&s=19
लखनऊ सुपरजायंट्स धावांचा पाठलाग करत असताना 16-17 व्या षटकात याची सुरुवात झाली. आरसीबीचा कर्णधार विराट कोहली व लखनऊचा युवा वेगवान गोलंदाज नवीन उल हक यांच्या दरम्यान काही शाब्दिक बाचाबाची झाली. त्यावेळी अमित मिश्रा व पंचांनी मध्यस्थी केल्याने वाद तात्पुरता शमला. खेळाडू हस्तांदोलन करत असताना विराट व नवीन हे एकमेंकासमोर आले. दोन्ही खेळाडूंनी हात मिळवणी केली मात्र दुसऱ्या क्षणाला पुन्हा एकदा या दोघांमध्ये बाचाबाची सुरू झाली. त्यावेळी नवीनने विराटचा हात अक्षरशः झटकला. त्याच क्षणी या वादाने पेट घेतला.
लखनऊचा मेंटर गौतम गंभीर याने पंचांकडे विराटबाबत तक्रार केली. तसेच त्यानंतर विराट हा कायले मेयर्ससह बोलत असताना गंभीरने त्याला ओढत बाजूला नेले. त्यानंतर विराट व गंभीर यांच्या बाजूने जोरदार शाब्दिक चकमक झाली. इतकेच नव्हे तर हे दोन्ही खेळाडू एकमेकांच्या अंगावर देखील धावून गेले. सामना संपल्यानंतर बराच काळा हा गोंधळ सुरू होता. विराट कोहली याने अखेरीस आपल्या मनाचा मोठेपणा दाखवत नवीन याच्यासह चर्चा करण्याचा निर्णय घेतला. मात्र, नवीनने त्यासाठी नकार दिला. यावर सोशल मीडियामध्ये मोठ्या प्रमाणावर चर्चा सुरू झाली आहे.
(Lucknow Supergiants Naveen Ul Haq Fights With Virat Kohli See Full Video)
