भारतीय क्रिकेट आणि सिनेमा यांचा तसा खूप जुना जवळचा संबंध आहे. अनेक क्रिकेटपटूंनी सिनेसृष्टीतील अभिनेत्रींशी संसार थाटला आहे. तसेच, काही निवृत्त क्रिकेटपटू आता जाहिरातींमधून अभिनयाची जादू दाखवत आहेत. अनेकदा क्रिकेटपटू आणि कलाकार पहिल्यांदाच एकमेकांसोबत कोणत्यातरी प्रोजेक्टवर काम करताना दिसतात. असेच काहीसे भारताचा माजी क्रिकेटपटू युवराज सिंग याच्याबाबत आहे. युवराज आणि एक मराठी अभिनेत्री पहिल्यांदाच एका जाहिरातीसाठी एकत्र आले. यावेळी अभिनेत्री युवराजसोबत फोटो काढण्याचा मोह आवरू शकली नाही. यावेळी तिने सोशल मीडियावर यादरम्यानचा आनंद चाहत्यांसोबत शेअर केला आहे.
हेमांगी कवीची सोशल मीडिया पोस्ट
‘पांडू’, ‘बंदीशाळा’, ‘धुडगूस’ यांसारख्या मराठी चित्रपटात झळकलेली प्रतिभावान मराठमोळी अभिनेत्री म्हणजे हेमांगी कवी. युवराज सिंग आणि हेमांगी कवी हे कोणत्या तरी जाहिरातीसाठी एकत्र दिसणार आहेत. या जाहिरातीच्या शूटदरम्यान अभिनेत्रीला युवराजसोबत फोटो काढण्याचा मोह आवरला नाही. तिने युवराजसोबतचे फोटो फेसबुक अकाऊंटवर पोस्ट केले आहेत. या फोटोंसोबतच तिचे कॅप्शन सर्वांचे लक्ष वेधून घेत आहे.
काय म्हणाली हेमांगी?
हेमांगीने तिच्या फेसबुक पोस्टमध्ये युवराज सिंग याच्यासोबतचे 2 फोटो शेअर केले आहेत. यातील एक फोटो व्हॅनिटी व्हॅनमधील आहे, तर दुसरा फोटो समुद्रकिनाऱ्यावरील आहे. या फोटोत दोघांच्या हातात एक छोटासा पांढरा बोर्डही आहे. हेमांगीने फेसबुकवर पोस्ट शेअर करत कॅप्शनमध्ये लिहिले की, “Shooting set वर येताना प्रचंड security,लवाजम्यासह आगमन! Ofcourse ते असणारच कारण outdoor shoot! त्याचे crazy cricket fans! पण चाय से ज्यादा किटली गरम म्हणतात तसलं काही. त्याच्यापेक्षा आजूबाजूच्या मंडळींचीच गडबड अधिक. तो लैच cool! आला काय, dialogues बोलला काय! सगळ्यात एक ठासून भरलेला पंजाबी swag!”
https://www.facebook.com/100000289144138/posts/pfbid0QgegGapdgURHEPwWK6VtRbPZM6xyEpDEwUHdGCub8Yviztjfk7p8GgCXCxVSCFjql/?mibextid=cr9u03
अभिनेत्रीने पोस्टमध्ये हार्ट इमोजीचा समावेश करत पुढे लिहिले की, “माझा संवाद सुरू झाल्यावर चकित होऊन, छान appreciate करत दिलेल्या reactions! तो Actor नसला तरी पद्मश्री, अर्जुन ॲवॅार्ड मिळवलेला, २ वेळा आपल्या World Cup मिळवून देणारा अतिशय उत्तम Cricketer आहे, Celebrity आहे. कुठेही याचा लवलेश न दाखवता हसत खेळत shoot केलं आणि छू झाला! Break मध्ये जाऊन एक pic मिळेल का विचारल्यावर हसत मुखाने त्याच्या vanity मध्ये स्वागत करून, कौतुक करत “अरे क्या कमाल करते हो आप, आपको और तरक्की मिले, आप star बन जाओ ये दिल से दुआं देता हॅूं” म्हणत pic दिला! What a pleasant and handsome guy! मज्जा आली!”
युवराज सिंगचे पुरस्कार
भारतीय संघाचा दिग्गज अष्टपैलू युवराज सिंग याने त्याच्या कारकीर्दीत एकापेक्षा एक विक्रम नावावर केले आहेत. त्यातीलच एक विक्रम 1 षटकात 6 षटकार मारण्याचाही आहे. त्याने त्याच्या कारकीर्दीत 40 कसोटी, 304 वनडे आणि 58 आंतरराष्ट्रीय टी20 सामने खेळले आहेत. कसोटीत त्याने 1900, वनडेत 8701 आणि टी20त 1177 धावा केल्या आहेत. त्याच्या नावावर कसोटीत 3, तर वनडेत 14 शतकांचा समावेश आहे.
युवराजला क्रिकेटमधील त्याच्या कामगिरीसाठी 2012 साली ‘अर्जुन पुरस्कारा’ने गौरवण्यात आले होते. त्यानंतर दोन वर्षांनी म्हणजेच 2014 साली त्याला ‘पद्मश्री’ या मानाच्या पुरस्कारानेही सन्मानित करण्यात आले होते. (marathi actress hemangi kavi shared screen with indian former cricketer yuvraj singh in advertise shoot read here)
हेही वाचाच-
ना रोहित, ना विराट, ना बुमराह; World Cupपूर्वी आगरकरांनी ‘या’ खेळाडूला म्हटले ‘Trump Card’
भारताच्या रणरागिणीने चीनमध्ये घडवला इतिहास! Asian Gamesमध्ये शेफाली ‘असा’ पराक्रम करणारी पहिली भारतीय
