ऑस्ट्रेलिया क्रिकेट संघ सध्या पाकिस्तान दौऱ्यावर आहे. या दौऱ्यात सध्या पाकिस्तान विरुद्ध ऑस्ट्रेलिया संघात ३ सामन्यांची कसोटी मालिका सुरू आहे. या मालिकेतील दुसरा सामना कराची येथे खेळवला गेला. या सामन्यादरम्यान ऑस्ट्रेलियाचा स्टार क्रिकेटपटू मार्नस लॅब्यूशाने नाकातून रक्त आल्याने अचानक बाहेर गेला.
पाकिस्तान संघ दुसऱ्या डावात फलंदाजी करत असताना क्षेत्ररक्षण करणारा मार्नस लॅब्यूशेन मैदानाबाहेर गेला होता. त्यावेळी त्याचा चेहरा रक्ताने माखलेला होता. याबद्दल पत्रकार भरत सुंदरसनने ट्वीट केले आहे. त्यांनी केलेल्या ट्वीटनुसार मार्नस लॅब्यूशेन नाकातून रक्त येत असल्याने मैदानाबाहेर गेला. पण हे प्रकरण फारसं गंभीर नाही. असे असले तरी लॅब्यूशाने मैदानातून बाहेर जात असतानाचे फोटो सध्या व्हायरल होत आहेत.
Marnus Labuschagne leaving the field with a nose bleed. Doesn’t look in too much bother though #PakvAus pic.twitter.com/Tr96DZ9MWC
— Bharat Sundaresan (@beastieboy07) March 15, 2022
सामन्याला रोमांचक वळण
या सामन्यात ऑस्ट्रेलियाने पहिला डाव ९ बाद ५५६ धावांवर डाव घोषित केला. ऑस्ट्रेलियाकडून उस्मान ख्वाजाने १६० धावा केल्या, तर स्टीव्ह स्मिथने ७२ आणि ऍलेक्स कॅरेने ९३ धावांची अर्धशतकी खेळी केली. पाकिस्तानकडून फहिम अश्रफ आणि साजिद खानने प्रत्येकी २ विकेट्स घेतल्या. पण नंतर पाकिस्तानचा पहिला डाव १४८ धावांवरच संपुष्टात आला. त्यामुळे ऑस्ट्रेलियाला मोठी आघाडी मिळाली.
पाकिस्तानकडून दुसऱ्या डावात कर्णधार बाबर आझमने सर्वाधिक ३६ धावांची खेळी केली. तर ऑस्ट्रेलियाकडून मिशेल स्टार्कने सर्वाधिक ३ विकेट्स घेतल्या. ऑस्ट्रेलियाने दुसरा डाव २ बाद ९७ धावांवर घोषित केला.
त्याचबरोबर पाकिस्तानला ५०६ धावांचे आव्हान दिले. पाकिस्तानकडून ५०६ धावांचा पाठलाग करताना बाबर आझमने शतकी खेळी केली असून अखेरच्या दिवसाच्या दुसऱ्या सत्रापर्यंत पाकिस्तानने ४ बाद ३१० धावा केल्या होत्या. त्यामुळे अखेरच्या षटकात पाकिस्तानला विजयासाठी १९६ धावांची गरज होती, तर ऑस्ट्रेलियालाला ६ विकेट्सही गरज होती.
महत्त्वाच्या बातम्या –
वनडे क्रमवारीत भारतीय महिलांचे भारी नुकसान, अनुभवी मिताली, झूलनची घसरण; स्म्रीतीही टॉप-१०मधून बाहेर
विजयरथावर स्वार रोहित बनणार विराटपेक्षा यशस्वी कर्णधार, क्रिकेट दिग्गजाची मोठी भविष्यवाणी
काय योगायोग आहे! बरोबर १० वर्षांपासून अबाधित असलेला ‘तो’ विक्रम हरमनप्रीत कौरने मोडला