भारतीय संघाचा माजी खेळाडू इरफान पठाण पाच वर्षांपूर्वी महेंद्रसिंग धोनीवर दिलेल्या विधानामुळे पुन्हा एकदा चर्चेत आले आहेत. इरफान पठाणने भारतीय संघाचे माजी कर्णधार एमएस धोनीबद्दल पाच वर्षांपूर्वी एका मुलाखतीत असा आरोप केला होता की भारतीय संघात निवड होण्यासाठी तुम्हाला हुक्का पीता यायला हवे. इरफानचा हा इंटरव्यू पुन्हा एकदा व्हायरल होत आहे, ज्यावर माजी क्रिकेटपटूने एका फॅनला उत्तर दिले आहे.
इरफान पठाणने भारतीय जलद गोलंदाज मोहम्मद शमीला एक्सवर पोस्ट करून वाढदिवसाच्या शुभेच्छा दिल्या. या पोस्टच्या कमेंट सेक्शनमध्ये एका युजरने इरफानला धोनीसोबत हुक्क्याबाबत सुरू असलेल्या व्हायरल वादावर विचारले, “पठाण भाई हुक्क्याचे काय झाले?”
इरफान पठाण आपल्या पोस्टवरील सर्व कमेंट्सना उत्तर देत नाहीत, पण त्यांनी या युजरच्या प्रश्नाला उत्तर दिले आणि म्हटले की, “मी आणि एमएस धोनी एकत्र बसून पिऊन घेऊ.” या कमेंटमध्ये इरफान पठाणने धोनीला मेंशनही केले आहे.
