आयपीएल 2025चा 38वा सामना मुंबई इंडियन्स आणि चेन्नई सुपर किंग्ज या दोन सर्वात यशस्वी संघांमध्ये खेळला गेला. वानखेडे स्टेडियमवर खेळल्या गेलेल्या या सामन्यात मुंबई इंडियन्सने 3 वर्षांनी चेन्नई सुपर किंग्जचा पराभव केला. पहिल्याच षटकापासून रोहित शर्मा उत्तम लयीत दिसत होता. रोहितने 45 चेंडूत 76 धावा केल्या. ज्यात 6 षटकार व 4 चाैकारांचा समावेश होता.
रोहित शर्माने या हंगामातील त्याचे पहिले अर्धशतक झळकावले. चेन्नईनं दिलेल्या 176 धावांचा पाठलाग करताना मुंबई इंडियन्सने एकतर्फी विजय मिळवला. संघाने 15.1 षटकात व 9 गडी राखून सामना जिंकला. या विजयात रोहित शर्माने शानदार कामगिरी केली. या खेळीसह रोहित शर्मा फाॅर्ममध्ये परतला आहे.
Wankhede stadium is buzzing 🥳
— IndianPremierLeague (@IPL) April 20, 2025
Rohit Sharma is depositing them into the second tiers 🔥
Updates ▶ https://t.co/v2k7Y5sIdi#TATAIPL | #MIvCSK | @ImRo45 | @mipaltan pic.twitter.com/BAFtGG3DB1
रोहित शर्माच्या विस्फोटक खेळीमुळे त्याला सामनावीरचा पुरस्कार देण्यात आला. तत्तपूर्वी सीएसकेने टाॅस गमावून मार्यादित 20 षटकात 175 धावा केल्या. ज्यात रवींद्र जडेजा आणि शिवम दुबे यांनी अर्धशतके झळकावली.
