भारताच्या विश्वचषक विजेत्या कर्णधाराचा अमेरिकेच्या मैदानात धुराळा, सलग दोन मॅचमध्ये बनला सामनावीर

अमेरिकेत सध्या टी-२० माइनर क्रिकेट लीग खेळली जात आहे. भारताला १९ वर्षांखालील विश्वचषक जिंकवून देणारा कर्णधार उन्मुक्त चंद ही या लीगमध्ये खेळत आहे. भारत सोडल्यानंतर उन्मुक्त अमेरिकेत स्थायिक झाला आहे. मायनर क्रिकेट लीगमध्ये सिलिकॉन वॅली स्ट्रायकर्स संघासाठी त्याने जबरदस्त खेळी केली आहे. हॉलीवुड मास्टर ब्लास्टर्स संघाविरुद्धच्या या सामन्यात त्याने स्वतःचे अर्धशतकही पूर्ण केले आहे.

मायनर क्रिकेट लीगच्या (Minor league cricket) चालू हंगामात उन्मुक्त चंद (Unmukt Chand) याने सलग दोन सामन्यात दोन अर्धशतके ठोकली आहेत. हॉलीवुडविरुद्धच्या या सामन्यात सिलिकॉन वॅलीने नाणेफेक गमावली आणि त्यांना प्रथम फलंदाजी करावी लागली. उन्मुक्त डावाची सुरुवात करण्यासाठी उतरला, पण संघाला पहिला झटका अवघ्या २० धावांवर बसला. परंतु दुसऱ्या विकेटसाठी श्रीलंकेचा शेहान जयसूर्यासोबत उन्मुक्तने ७२ धावा केल्या आणि संघाचा डाव सांभाळला. त्याने २५ चेंडूत २६ धावा केल्या.

यादरम्यान २९ वर्षीय उन्मुक्तने स्वतःचे अर्धशतक पूर्ण केले आणि शेवटपर्यत खेळपट्टीवर टिकून राहिला. उन्मुक्तने संघासाठी ६५ चेंडूत १४५ च्या स्ट्राईक रेटने ९४ धावांचे योगदान दिले.

https://www.instagram.com/p/CfRhUkEgRfS/