व्हिसाशी संबंधित समस्यांमुळे चेन्नई सुपर किंग्स संघाचा विस्फोटक अष्टपैलू खेळाडू मोईन अलीला भारतात येण्यास उशीर झाला होता. त्यामुळे तो आयपीएल २०२२मध्ये कोलकाता नाईट रायडर्सविरुद्धचा पहिला सामना खेळू शकला नव्हता. मात्र, आता तो आपला क्वारंटाईन कालावधी पूर्ण करून ताफ्यात सामील झाला आहे. नियमांनुसार, संघात सामील होण्यापूर्वी प्रत्येक खेळाडूला ३ दिवस नियमित क्वारंटाईनमध्ये राहावे लागते. चेन्नईशी जोडल्यानंतर मोईनने संघातील सर्व सहकाऱ्यांची भेट घेतली. यादरम्यान एमएस धोनीदेखील तिथे उपस्थित होता.
इंग्लंडचा विस्फोटक खेळाडू मोईन अलीला (Moeen Ali) प्रवासासाठी आवश्यक कागदपत्र पूर्ण नसल्यामुळे व्हिसा मिळाला नव्हता. व्हिसा मिळण्यास उशीर झाल्यामुळे संघ हॉटेलमध्ये उशिरा पोहोचला. तसेच, आयपीएलच्या क्वारंटाईन नियमानुसार मोईन कमीत कमी तीन दिवस आयसोलेशनमध्ये असेल, त्यानंतर तो संघाशी जोडला जाऊ शकतो. २४ मार्चला मोईन संघाच्या हॉटेलमध्ये पोहोचला होता.
Vanganna Vanakkangana! 🙏🏻
A Superfam welcome to Namma Mo Bhai! 🦁💛#WhistlePodu #Yellove 🦁💛 pic.twitter.com/Y9L5tqES7r— Chennai Super Kings (@ChennaiIPL) March 28, 2022
कोलकाताविरुद्धच्या सामन्यात चेन्नईला मोईन अलीची कमतरता गोलंदाजी आणि फलंदाजी दोन्हीतही भासली होती. पहिल्यांदा फलंदाजी करताना चेन्नईने निर्धारित २० षटकात १३१ धावा केल्या होत्या. यादरम्यान धोनीच एकमेव खेळाडू होता, ज्याने ५० धावा केल्या. कोलकाताने चेन्नईने दिलेले हे आव्हान ६ विकेट्स राखत पार केले होते.
आयपीएल २०२२मध्ये मोईन अलीला केले होते रिटेन
आयपीएल २०२२मध्ये चेन्नई संघाने रिटेन केलेल्या खेळाडूंमध्ये मोईनचाही समावेश होता. चेन्नईने त्याला ८ कोटी रुपयांमध्ये रिटेन केले होते. मोईनव्यतिरिक्त चेन्नई संघाने रवींद्र जडेजा, एमएस धोनी आणि ऋतुराज गायकवाड या ४ खेळाडूंना रिटेन केले होते.
मोईनने आयपीएल २०२१मध्ये फलंदाजी करताना ३५७ धावा केल्या होत्या. तसेच, त्याने गोलंदाजी करताना ६ विकेट्स आपल्या खिशात घातल्या होत्या. त्याच्या एकूण आयपीएल कारकिर्दीबद्दल बोलायचं झालं, तर त्याने ३४ सामने खेळताना २२.९७च्या सरासरीने ६६६ धावा केल्या आहेत. तसेच, गोलंदाजी करताना त्याने ६.८५च्या इकॉनॉमी रेटने १६ विकेट्स घेतल्या आहेत.
महत्त्वाच्या बातम्या-
ग्लेन मॅक्सवेलचे लागले भारतीय पद्धतीने लग्न, वरमाळा घालतानाचा Video तुफान व्हायरल
RCBvsPBKS : बेंगलोरने फलकावर लावल्या २०५ धावा अन् तिथेच निश्चित झाला पराभव, वाचा सविस्तर
अर्रर्र, लईच वाईट झालं! मुंबईचा कर्णधार रोहितला दुहेरी धक्का, पहिली मॅच पण हरली आणि दंडही झाला