मोईन अलीची मोठी प्रतिक्रिया; म्हणाला, ‘या बाबतीत विराटसारखा खेळाडूच नाही’

विराट कोहली याने श्रीलंकेविरुद्धच्या पहिल्या वनडे सामन्यात शतक ठोकले. त्याच्या शतकी खेळीनंतर भारताने हा सामना जिंकला देखील. दुसऱ्या वनडे सामन्यात विराट स्वस्तात बाद झाला, पण चाहत्यांना तिसऱ्या वनडे सामन्यात त्याच्याकडून पुन्हा एकदा मोठ्या खेलीची अपेक्षा आहे. तत्पूर्वी इंग्लंडचा दिग्गज फलंदजी अष्टपैलू मोईन अली याने विराटचे कौतुक केले. मोईन अली सध्या आयएलटी20 स्पर्धेत शाहजाह वॉरियर्स संघाचे नेतृत्व करत आहे.

यूएईत नव्याने सुरू झालेल्या आयएलटी20 स्पर्धेत मोईन अली (Moeen Ali) याच्याकडे शारजाह  वॉरियर्स संघाच्या कर्णधारपदाची जबाबदारी सोपली गेली आहे. स्पर्धेतीत एका सामन्याआधी मोईनला त्याच्या आवडत्या भारतीय खेळाडूविषयी प्रश्न विचारला गेला. पत्रकाराच्या या प्रश्नावर त्याने क्षणाचा विलंब न करता विराट कोहली (Virat Kohli) याचे नाव घेतले. विराट कोहली आंतरराष्ट्रीय क्रिकेटमधील महान फलंदाजांपैकी एक असून त्याचे अनुकरण करण्याऱ्यां खेळाडूंची संख्या देखील मोठी आहे. आंतरराष्ट्रीय क्रिकेटमध्ये विराटच्या नावावर असे अनेक विक्रम आहेत, ज्याची बरोबरी करणे सोपे नाही. विराटने त्याच्या बोरबरीच्या काही आंतरराष्ट्रीय खेळाडूंची देखील मने जिंकली आहेत. यापैकीच एक म्हणजे मोईन अली आहे. मोईन आणि विराट आयपीएल फ्रँचायझी रॉयल चॅलेंजर्स बेंगलोर संघात सोबत खेळले आहेत.

पत्रकाराच्या प्रश्नावर मोईन अली विराटविषयी म्हणाला, “विराट कोहली मला खूप आवडतो. तो माझा आवडता खेळाडू आहे. खेळाडूच्या रूपात त्याचे व्यक्तिमत्व एकदी वेगळे असते. तो एक असा खेळाडू आहे, ज्याच्यासोबत खेळण्याची तुमची इच्छा असते, ज्याच्यासोबत वेळ घालवायला तुम्हाला आवडतो. तो खूपच खास आहे. व्यक्ती म्हणून मी त्याच्यासारखा खेळाडू पाहिला नाहीये. क्रिकेटमध्ये अनेक महान खेळाडू झाले आहेत. पण एका व्यक्ती म्हणून मला कोहलीची साथ सर्वात जास्त आवडते. तसेच एमएस धोनी एक प्रेरणादायक व्यक्ती राहिला आहे.”

दरम्यान, मोईनच्या शारजाह वॉरियर्स संघाला शनिवारी (14 जानेवारी) मुंबई एमिरेट्स संघासोबत सामना होईल. या सामन्याआधी कर्णधार माध्यमांशी बोलत होता. यावर्षी सुरू झालेल्या आयएलटी20 स्पर्धेत एकूण 6 संघ खेळत आहेत. स्पर्धेत डेविड मलान, एविन लुईस, कायरन पोलार्ड, दसुन शनाका, वानिंदु हसरंगा, एलेक्स हेल्स, सुनील नरेन आणि आंद्रे रसेल अशा दिग्गजांनी या स्पर्धेत सहभाग घेतला आहे. (Moeen Ali praises Virat Kohli)

महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
केएल राहुलच्या लग्नाला उपस्थित नसतील भारतीय खेळाडू, पण संघ मोठी भेट देण्याच्या तयारीत
त्रिशतक आले कामी! टीम इंडियात निवड होताच पृथ्वी शॉने शेअर केली इंस्टाग्राम स्टोरी