भारताचे माजी कर्णधार मोहम्मद अझरुद्दीन यांच्या गाडीला बुधवारी सकाळी राजस्थान येथील सवाई माधोपुर येथे भीषण अपघात झाला. या अपघातात त्यांची कार रस्त्यालगतच्या ढाब्यात शिरून उलटली होती. मात्र या अपघातातून अझरुद्दीन बालंबाल बचावले आहेत. तसेच त्यांची कुटुंबियातील सदस्यही सुखरूप असल्याची माहिती मिळते आहे.
मोहम्मद अझरुद्दीन आपल्या कुटुंबियांसह राजस्थानमध्ये नवीन वर्षाच्या आगमनासाठी कुटुंबियांसह गेले होते. रणथंबोर येथून ते चारचाकी गाडीतून परत येत असतांना हा अपघात झाला. प्राथमिक अंदाजानुसार अझरुद्दीन यांच्या गाडीचे चाक निखळल्याने हा अपघात झाला असावा. भरधाव वेगात जाणारी अझरुद्दीन यांची गाडी अचानक उलटली आणि रस्त्यालगतच्या ढाब्यात जाऊन थांबली. गाडी वेगात असल्याने गाडीचा चक्काचूर झाला असून ढाब्याचेही प्रचंड नुकसान झाले आहे. तसेच ढाब्यात उभा असलेला तरुण गाडीखाली सापडल्याने जखमी झाला आहे. त्याला तातडीने रुग्णालयात दाखलही करण्यात आले. सुदैवाने अझरुद्दीन किंवा त्यांच्या कुटुंबियांपैकी कोणीही या अपघातात जखमी झाले नाही.
या घटनेची माहिती मिळताच पोलिसांनी तातडीने घटनास्थळी धाव घेतली. अझरुद्दीन आणि कुटुंबियांना दुसऱ्या एका गाडीने हॉटेलमध्ये सुरक्षितपणे रवाना करण्यात आले आहे. तसेच पोलीस या प्रकरणी अधिक तपास करत आहेत.
महत्वाच्या बातम्या:
– डेविड वॉर्नरचे पुनरागमन! असा आहे भारताविरुद्ध तिसऱ्या कसोटीसाठी ऑस्ट्रेलिया संघ
– अटीतटीच्या बॉक्सिंग डे कसोटीत न्यूझीलंडचा पाकिस्तानवर दणदणीत विजय
– गंभीर पाठोपाठ आता या भारतीय क्रिकेटपटूनेही केला भाजपात प्रवेश