कोलकाता। भारत विरुद्ध बांगलादेश संघात(India vs Bangladesh) कालपासून(22 नोव्हेंबर) सुरु झालेल्या दिवस-रात्र कसोटी सामन्यात(Day-Night Test) भारताचा कर्णधार विराट कोहलीने(Virat Kohli) शतकी खेळी केली आहे.
इडन गार्डनवर सुरु असलेल्या या सामन्यात भारताकडून पहिल्या डावात खेळताना विराटने 194 चेंडूत 136 धावांची खेळी केली. या खेळीत त्याने 18 चौकार मारले. या शतकी खेळी बरोबरच त्याने ऑस्ट्रेलियाचा माजी दिग्गज कर्णधार रिकी पॉटिंगच्या(Ricky Ponting) एका विक्रमाची बरोबरी केली आहे.
विराटने आज केलेले शतक हे त्याचे आंतरराष्ट्रीय क्रिकेटमध्ये कर्णधार म्हणून 41 वे शतक ठरले आहे. त्यामुळे तो आता पॉटिंगसह आंतरराष्ट्रीय क्रिकेटमध्ये सर्वाधिक शतके करणारा कर्णधार ठरला आहे. पॉटिंगनेही कर्णधार म्हणून 41 शतके केली आहेत.
या यादीत विराट आणि पॉटिंगच्या पाठोपाठ दक्षिण आफ्रिकेचा माजी कर्णधार ग्रॅमी स्मिथ(Graeme Smith) आहे. स्मिथने आंतरराष्ट्रीय क्रिकेटमध्ये कर्णधार म्हणून 33 शतके केली आहेत.
कालपासून सुरु झालेल्या भारत विरुद्ध बांगलादेश कसोटी सामन्यात भारताने पहिला डाव 9 बाद 347 धावांवर घोषित करत 241 धावांची आघाडी घेतली आहे. त्याआधी बांगलादेशचा पहिला डाव 106 धावांवर संपुष्टात आला होता.
आंतरराष्ट्रीय क्रिकेटमध्ये सर्वाधिक शतके करणारे कर्णधार –
41 – विराट कोहली
41 – रिकी पॉटिंग
33 – ग्रॅमी स्मिथ
20 – स्टिव्ह स्मिथ
'कॅप्टन' कोहली रिकी पॉटिंगला पडला भारी, आता केवळ हा दिग्गज आहे पुढे
वाचा????https://t.co/V3t22XmQi4????#म #मराठी #INDvsBAN #cricket @Mazi_Marathi @MarathiRT #TeamIndia #DayNightTest #PinkBall #PinkBallTest #ViratKohli— Maha Sports (@Maha_Sports) November 23, 2019
२७वे कसोटी शतक करणाऱ्या किंग कोहलीची सचिन तेंडूलकरच्या या मोठ्या विक्रमाची बरोबरी https://t.co/NHvylbJwop#म #मराठी #INDvsBAN #cricket @Mazi_Marathi @MarathiRT #TeamIndia #DayNightTest #PinkBall #PinkBallTest #ViratKohli
— Maha Sports (@Maha_Sports) November 23, 2019
