टीम इंडियाच्या सलामीवीरांनी केला असाही एक नकोसा विक्रम

पर्थ। ऑस्ट्रेलिया विरुद्ध भारत संघात ऑप्टस स्टेडीयम, पर्थ येथे आज(18 डिसेंबर) दुसरा कसोटी सामना पार पडला आहे. या सामन्यात ऑस्ट्रेलियाने 146 धावांनी विजय मिळवत चार सामन्यांच्या कसोटी मालिकेत 1-1 अशी बरोबरी केली आहे.

या सामन्यात भारताचा सलामीवीर फलंदाज मुरली विजय पहिल्या डावात तर केएल राहुल दुसऱ्या डावात शून्य धावेवर बाद झाले. 2018 या वर्षात शून्यावर बाद होण्याची राहुलची 4 थी आणि विजय 3री वेळ होती.

त्यामुळे या वर्षात भारतीय सलामीवीर कसोटीमध्ये मिळून तब्बल 7 वेळा शून्य धावेवर बाद होण्याचा विक्रम झाला आहे. एका वर्षात एकूण 7 किंवा त्यापेक्षा अधिक वेळा शून्य धावेवर भारतीय सलामीवीर बाद होण्याची ही केवळ तिसरीच वेळ आहे. 

याआधी 2002 मध्ये भारतीय सलामीवीर एकूण 8 वेळा शून्य धावेवर बाद झाले होते.  तसेच 2010 मध्येही भारतीय सलामीवीर एकूण 7 वेळा शून्य धावेवर बाद झाले होते.

त्याचबरोबर एका वर्षात वैयक्तिक सर्वाधिक वेळा शून्य धावेवर बाद होणाऱ्या सलामीवीरांच्या यादीत राहुल दुसऱ्या क्रमांकावर आहे. याआधी फक्त पंकज रॉय हे 1952 मध्ये 5 वेळा सलामीला फलंदाजी करताना शून्य धावेवर बाद झाले होते.

एका वर्षात एकूण सर्वाधिक वेळा भारतीय सलामीवीर शून्य धावेवर बाद होण्याची वेळ –

8 वेळा – 2002

7 वेळा – 2018*

7 वेळा – 2010

6 वेळा – 1983

6 वेळा – 1952

 एका वर्षात वैयक्तिक सर्वाधिक वेळा शून्य धावेवर बाद होणारे भारतीय सलामीवीर फलंदाज- 

5 – पंकज रॉय (1952)

4 – केएल राहुल (2018)

3 – पंकज रॉय (1955, 1959)

3 – सुनील गावसकर (1983)

3 – नवज्योत सिंग सिद्धू (1989)

3 – विरेंद्र सेहवाग (2006)

3 – वासिम जाफर (2007)

3 – गौतम गंभीर (2010)

3 – मुरली विजय (2018)

महत्त्वाच्या बातम्या:

–पर्थ कसोटी: भारताचा पराभव करत ऑस्ट्रेलियाने केली मालिकेत बरोबरी

–केएल राहुलला भारतात लवकर परतण्यासाठी चाहत्याने सुचवले हे विमान

–जाणून घ्या २०१९च्या आयपीएलसाठी कोणते संघ किती परदेशी खेळाडू खरेदी करु शकतात