सध्या संपूर्ण जगभरात कोरोना व्हायरसने हाहाकार माजवला आहे. अशामध्ये आंतरराष्ट्रीय तसेच देशांतर्गत सर्व क्रिकेट स्पर्धा रद्द किंवा स्थगित करण्यात आल्या आहेत. तसेच भारतातील सर्वात मोठी टी२० लीग आयपीएलदेखील अनिश्चित काळासाठी स्थगित करण्यात आली आहे.
त्यामुळे अनेक खेळाडू यावेळी आपापल्या घरात परिवारासोबत वेळ घालवत आहेत. यामध्ये भारतीय संघाचा माजी कर्णधार एमएस धोनीचाही (MS Dhoni) समावेश आहे.
लॉकडाऊनमुळे (Lockdown) धोनी आपल्या घरात वेळ घालवत आहे. तो इतर क्रिकेटपटूंप्रमाणे सोशल मीडियावर अधिक सक्रिय नसतो. परंतु त्याची पत्नी साक्षी धोनी (Sakshi Dhoni) आणि मुलगी झिवा धोनीच्या (Ziva Dhoni) इंस्टाग्राम अकाऊंटवरून धोनीच्या चाहत्यांना धोनीचे दर्शन घडते.
धोनीला यापूर्वी आपल्या दाढीमध्ये खूप कमीवेळा पाहिले असेल. परंतु लॉकडाऊनमध्ये धोनी आपली सर्व हौस पूर्ण करून घेत आहे. शुक्रवारी (८ मे) झिवाच्या इंस्टाग्राम अकाऊंटवरून एक व्हिडिओ पोस्ट करण्यात आला आहे. यामध्ये धोनी आणि झिवा आपल्या कुत्र्याबरोबर टेनिस बॉलने थ्रो गेम खेळत आहेत.
https://www.instagram.com/tv/B_7eILdnn1v/?utm_source=ig_web_copy_link
या व्हिडिओमध्ये धोनी आपल्या लहान केसांच्या हेअरस्टाईलमध्ये दिसत आहे. परंतु नेहमी दाढी नसणारा धोनी यावेळी दाढीमध्ये दिसत आहे. धोनीची दाढी पूर्ण पांढरी झाली आहे.
धोनीच्या वाढलेल्या दाढीतील लूक पाहून सर्वजण आश्चर्यचकीत झाले आहेत. तसेच काही चाहत्यांनी धोनीचा दाढी नसलेला आणि आताचा फोटो कोलाज करत सोशल मीडियावर शेअर केला आहे.
1. When you start studying for CA
2. When you become a CA pic.twitter.com/TuN4lscWxo
— Sagar (@sagarcasm) May 9, 2020
धोनीने मागील वर्षी जुलै महिन्यात झालेल्या विश्वचषकानंतर जवळपास १० महिन्यांपासून एकही क्रिकेटचा सामना खेळलेला नाही. तो यावर्षी आयपीएलमधून क्रिकेटमध्ये पुनरागमन करणार होता. त्यासाठी त्याने खूप सरावदेखील केला होता. परंतु आता धोनीच्या पुनरागमनावर प्रश्नचिन्ह उपस्थित केले जात आहेत.
ट्रेंडिंग घडामोडी-
-मुंबई इंडियन्सचा कर्णधार रोहित शर्मा म्हणतो टॉस हरलो की खेळाडू देतात अशी वागणूक…
-आयपीएलमधील हे १० विक्रम आहेत केवळ एमएस धोनीच्याच नावावर
-१९ व्या वर्षी काऊंटी क्रिकेट खेळल्याने झाला हा फायदा, सचिन तेंडुलकरने केला खूलासा