रोहित शर्मा हा भारताला विश्वचषक जिंकवून देणारा तिसरा कर्णधार आहे. कपिल देव विश्वचषक जिंकवून देणारे पहिले भारतीय कर्णधार होते. त्यानंतर एमएस धोनीनं टीम इंडियाला वर्ल्ड कप ट्रॉफी जिंकून दिली.
दरम्यान, टीम इंडियाचा स्टार ऑलराऊंडर शिवम दुबे याला विचारण्यात आलं की रोहित शर्मा आणि महेंद्रसिंग धोनी यांच्यातील सर्वोत्तम कर्णधार कोण? या प्रश्नावर शिवम दुबे खूपच गोंधळलेला दिसला. अलीकडेच रोहित शर्मा आणि शिवम दुबे यांच्यासह टीम इंडियाचे काही खेळाडू ‘द ग्रेट इंडियन कपिल शो’मध्ये पोहोचले होते. या शोचा होस्ट कपिल शर्मानं शिवम दुबेला कर्णधाराबाबत प्रश्न विचारले. दुबे आयपीएलमध्ये चेन्नई सुपर किंग्जकडून खेळतो, जिथे तो धोनीच्या नेतृत्वाखाली खेळला आहे. तर टीम इंडियासाठी तो रोहित शर्माच्या नेतृत्वाखाली खेळत आहे.
कपिलनं शिवम दुबेला विचारलं, “शिवम, तू दोन संघांसाठी खेळतोस. तू धोनीसोबत खेळतोस आणि तू रोहितसोबतही खेळतोस. तुला कोणता कर्णधार जास्त आवडतो?” हा प्रश्न ऐकून रोहित शर्मा म्हणतो, “अडकला”. सूर्यकुमार यादव देखील कपिल शर्माला म्हणतो, “तू खूपच अवघड प्रश्न विचारला आहेस.”
यानंतर शिवम दुबेनं धोनी आणि रोहितच्या संदर्भात विचारलेल्या प्रश्नाला उत्तर देताना सांगितलं की, “मला असं वाटतं की मी ज्याच्यासोबत खेळत आहे, मग मी चेन्नईत खेळत असेन किंवा भारतीय संघात खेळत असेन, त्यावेळी तो माझ्यासाठी सर्वोत्तम कर्णधार आहे.”
शिवम दुबे 2024 टी20 विश्वचषक विजेत्या भारतीय संघाचा सदस्य होता. त्यानं स्पर्धेतील सर्व सामने खेळले होते. तो आता हळूहळू भारतीय टी20 संघाचा मुख्य खेळाडू बनला आहे. त्याची बांगलादेशविरुद्धच्या टी20 मालिकेसाठी देखील निवड झाली होती, मात्र तो दुखापतीमुळे बाहेर पडला.
हेही वाचा –
टीम इंडियाच्या स्टार खेळाडूचा संताप! एअर इंडियावर उघडपणे व्यक्त केला राग
सूर्याच्या झेलने नाही तर रिषभ पंतने भारताला विश्वचषक जिंकून दिला; रोहित शर्माचा धक्कादायक खुलासा
4 वर्षांपूर्वी निवृत्त झालेल्या रैनानं शाकिबला धो-धो धुतलं, मैदानावर चौकार-षटकारांची आतषबाजी; VIDEO पाहा
