आयपीएल 2025चा उर्वरित हंगाम (Indian Premier League 2025) (17 मे) पासन सुरू होणार आहे. तत्पूर्वी दिल्ली कॅपिटल्स (Delhi Capitals) संघात मोठा बदल झाला आहे. संघाचा विस्फोटक सलामीवीर जेक फ्रेझर-मॅकगर्कला (Jake Fraser McGurk) दिल्ली संघातून वगळण्यात आले आहे. संघ प्लेऑफच्या शर्यतीत पोहोचण्यापासून काही पावले दूर असताना संघाला हा धक्का बसला आहे. दिल्लीसाठी आगामी सर्व सामने जिंकणे खूप महत्वाचे आहे.
दिल्ली कॅपिटल्स संघातून सलामीवीर जेक फ्रेझर-मॅकगर्क बाहेर पडल्यानंतर, एका बांगलादेशी खेळाडूने त्याची जागा घेतली आहे. मुस्तफिजूर रहमान (Mustafizur Rahman) तब्बल 2 वर्षांनी दिल्ली संघात परतत आहे. ही माहिती दिल्ली कॅपिटल्सच्या अधिकृत खात्यावरून शेअर करण्यात आली आहे. दिल्ली संघ आता बांगलादेशच्या या वेगवान गोलंदाजासह प्लेऑफमध्ये आपले स्थान निश्चित करू इच्छित असेल.
Mustafizur Rahman is back in ????❤️ after two years!
— Delhi Capitals (@DelhiCapitals) May 14, 2025
He replaces Jake Fraser-McGurk who is unavailable for the rest of the season. pic.twitter.com/gwJ1KHyTCH
दिल्ली कॅपिटल्स संघ आयपीएल गुणतालिकेत 5व्या स्थानावर आहे. दिल्लीने आतापर्यंत 11 सामने खेळले आहेत, ज्यामध्ये संघाने 5 सामने जिंकले आहेत आणि 4 गमावले आहेत. त्याच वेळी, दिल्लीचा एक सामनाही अनिर्णित राहिला. या 11 सामन्यांमध्ये दिल्ली कॅपिटल्सने 13 गुण मिळवले आहेत. स्पर्धेच्या सुरुवातीला दिल्लीने दमदार कामगिरी केली होती, परंतु गेल्या 5 सामन्यांमध्ये संघाला फक्त एकच विजय मिळाला आहे.
दिल्ली अजूनही प्लेऑफच्या शर्यतीत आहे. अक्षर पटेलच्या (Axar Patel) नेतृत्वाखाली दिल्लीला अजूनही 3 सामने खेळायचे आहेत, त्यापैकी 2 सामने जिंकणे खूप महत्वाचे आहे. जर दिल्लीने या 3 पैकी 2 सामने गमावले तर संघाला प्लेऑफमध्ये जाणे कठीण होईल. दिल्ली (18 मे) रोजी गुजरातविरुद्ध 12वा सामना खेळेल. यानंतर दिल्लीला मुंबई आणि पंजाबविरुद्ध सामने खेळायचे आहेत.
