सध्या भारतीय क्रिकेट संघ ऑस्ट्रेलियाविरुद्ध 5 सामन्यांची टी20 मालिका खेळत आहे. भारतीय संघाने सूर्यकुमार यादव याच्या नेतृत्वाखाली विजय मिळवत मालिकेची सुरुवात केली. अशातच रात्री उशिरा भारतीय संघाचा वेगवान गोलंदाज नवदीप सैनी याने आपल्या इंस्टाग्राम अकाऊंटवरून लग्नाचे फोटो शेअर केले. यामध्ये त्याने पत्नीलाही टॅग केले आहे. अशात त्याच्यावर क्रिकेटप्रेमी आणि सहकाऱ्यांकडून अभिनंदनाचा वर्षाव होत आहे.
नवदीप सैनी आणि स्वाती अस्थाना (Navdeep Saini And Swati Asthana) यांनी हिंदू रीतिरिवाजानुसार सात फेरे घेऊन लग्न केले. या जोडप्याने लग्नात पांढऱ्या रंगाचा ड्रेस कोड परिधान केला होता. नवदीप सैनी (Navdeep Saini) पांढऱ्या रंगाच्या शेरवानीत स्मार्ट दिसत होता, तर त्याची पत्नी स्वाती अस्थाना (Swati Asthana) हीदेखील पांढऱ्या रंगाच्या लेहेंग्यात सुंदर दिसत होती. नवदीपने हा फोटो शेअर करताच, त्याच्यावर मोहम्मद सिराजपासून ते अर्शदीप सिंगपर्यंत प्रत्येकजण कमेंट करत त्याला शुभेच्छा देत आहे.
नवदीपची पोस्ट
भारतीय संघातून 2021पासून बाहेर असलेल्या नवदीपने स्वाती अस्थानासोबतचे लग्नातील फोटो शेअर केले आहेत. या फोटोंच्या कॅप्शनमध्ये त्याने लिहिले की, “तुझ्यासोबत प्रत्येक दिवस प्रेमाचा असतो. तेव्हा आज आम्ही नेहमी एकत्र राहण्याचा निर्णय घेतला आहे. आम्ही आमच्या आयुष्याची नवी सुरुवात केली आहे, तेव्हा तुम्हा सर्वांचा आशीर्वाद असाच कायम राहू द्या.”
View this post on Instagram
नवदीपच्या या पोस्टवर अर्शदीप सिंगने कमेंट करत लिहिले की, “खूप खूप अभिनंदन.” यावेळी अर्शदीपने लव्ह इमोजीही कमेंट केला. त्याच्याव्यतिरिक्त उमरान मलिक, मोहम्मद सिराज, देवदत्त पडिक्कल यांनीही नवदीपवर अभिनंदनाचा वर्षाव केला.
आयपीएलमध्ये नवदीपची कामगिरी
नवदीप सैनी याने 2019 मध्ये रॉयल चॅलेंजर्स बेंगलोर संघाकडून आयपीएल पदार्पण केले होते. त्यानंतर तो 3 वर्षे संघासोबत जोडला राहिला. त्यानंतर त्याने राजस्थान रॉयल्सची साथ धरली. तसेच, त्याला 2023मध्येही राजस्थानने रिटेन केले. नवदीप सैनीची आयपीएल कारकीर्द पाहिली, तर त्याने एकूण 32 सामने खेळले आहेत, त्यात त्याने 23 विकेट्स घेतल्या आहेत. (navdeep saini wedding rr batter navdeep tied the knot with swati asthana before ipl 2024 see wedding photos here)
हेही वाचा-
रिंकू द फिनिशर! शेवटच्या चेंडूवर षटकार मारून ऑस्ट्रेलियाला चारली धूळ
धोनीप्रेमींसाठी आनंदाची बातमी! आयपीएलआधीच थाला दिसणार ऍक्शनमध्ये? जाणून घ्या कुठे खेळणार
