पंजाब किंग्ज (PBKS) ला अलिकडेच आयपीएल 2025च्या अंतिम सामन्यात 6 धावांनी पराभव पत्करावा लागला. रॉयल चॅलेंजर्स बंगळुरू (RCB) ने अंतिम सामन्यात 190/9 धावा केल्या आणि पंजाब संघ 7 विकेट गमावल्यानंतर फक्त 184 धावा करू शकला. अहमदाबादच्या नरेंद्र मोदी स्टेडियमवर PBKS चा 24 वर्षीय फलंदाज नेहल वढेराला 18 चेंडूत फक्त 15 धावा करता आल्या. त्याने एक षटकार मारला. पाचव्या क्रमांकावर आलेल्या वढेराला 17व्या षटकात अनुभवी वेगवान गोलंदाज भुवनेश्वर कुमारने पॅव्हेलियनमध्ये पाठवले, त्यानंतर पंजाब जेतेपदाच्या सामन्यात मागे पडला. वढेराने आता अंतिम सामन्यातील पराभवासाठी स्वतःला जबाबदार धरले आहे. त्याने त्याची सर्वात मोठी चूक सांगितली आहे.
खरं तर, वढेराला हिंदुस्तान टाईम्सला दिलेल्या मुलाखतीत विचारण्यात आले होते की अंतिम सामन्यात दुसऱ्या डावात खेळपट्टी बदलली होती का? त्यावर तो म्हणाला, “मी स्वतःला पूर्णपणे दोष देतो. जर मी त्यावेळी चांगला खेळलो असतो तर आम्ही नक्कीच जिंकू शकलो असतो. मी खेळपट्टीला दोष देणार नाही कारण आरसीबीने 190 धावा केल्या. मला वाटते की मी खेळ खोलवर घेत होतो. मी खेळ खोलवर घेऊन तो पूर्ण करण्यावर विश्वास ठेवतो. मला वाटते की तो त्या दिवसांपैकी एक होता जेव्हा मी सामना पूर्ण करू शकलो नाही.”
त्यांनी पुढे असं सांगितलं की, “जेव्हा जेव्हा स्पर्धेत गती वाढवायची वेळ आली, तेव्हा मी तसं केलं. फक्त शेवटच्या सामन्यात अपयश आलं. काही दिवस असतात जेव्हा सगळं जमत नाही, आणि तो दिवस असाच होता. पण मला काहीच पश्चाताप नाही कारण मी सामना शेवटपर्यंत नेण्याचा प्रयत्न केला. त्या वेळची परिस्थिती पाहता, हा निर्णय योग्य होता कारण विकेट्स सतत पडत होत्या. तरीही मला असं वाटतं की मी थोडं जास्त आक्रमक खेळू शकलो असतो. हे मी आता लक्षात घेतलं आहे आणि पुढच्या वेळी याचा उपयोग करेन. त्यामुळे मला आणि संघालाही फायदा होईल.”
वढेराने आयपीएल 2025मध्ये अंतिम सामना वगळता चांगली फलंदाजी केली. त्याने 16 सामन्यांमध्ये सरासरी 369 धावा केल्या. 18व्या हंगामात पंजाबसाठी सर्वाधिक धावा करणाऱ्या फलंदाजांच्या यादीत तो पाचव्या क्रमांकावर होता.
