आंतरराष्ट्रीय क्रिकेट परिषदेने (आयसीसी) नुकत्याच पार पडलेल्या वार्षिक सर्वसाधारण सभेत पुरुष क्रिकेट आयसीसी विश्वचषक 2027 आणि आयसीसी टी 20 विश्वचषक 2028 च्या स्वरूपांमधील बदलांना मंजुरी दिली आहे. मागील झालेल्या फॉरमॅटप्रमाणे आगामी स्पर्धांसाठी त्याच्यामध्ये सुधारणा करण्यात आली आहे.
आयसीसी पुरुष क्रिकेट वनडे विश्वचषक 2027 चे आयोजन दक्षिण आफ्रिका, झिम्बाब्वे आणि नामिबिया हे संयुक्तपणे करणार आहेत. या स्पर्धेत पूर्वीप्रमाणे 14 संघ सहभागी होतील. याच्या अंतिम टप्प्यांपर्यंत पोहोचण्यासाठी स्पर्धेचे स्वरूप तीन टप्प्यांचे नवीन असेल.
2027 विश्वचषक स्पर्धेचे स्वरूप-
फेरी 1 – पात्र ठरलेल्या 14 पैकी तळाच्या तीन संघांमध्ये (12, 13 आणि 14 व्या क्रमांकाचे) राऊंड-रॉबिन ‘सुपर सिरीज’ खेळली जाईल. यामध्ये जो जिंकेल तो पुढील फेरीत प्रवेश करेल.
फेरी 2 – त्यानंतर उर्वरित 12 संघांना प्रत्येकी सहा संघांच्या दोन गटांमध्ये विभागले जाईल. हे प्रत्येक गट राऊंड-रॉबिन पद्धतीने खेळेल. प्रत्येक गटातील अव्वल तीन संघ तसेच दोन गटांमधील पुढील सर्वोत्तम स्थानावरील संघ ‘सुपर 7’ टप्प्यासाठी पात्र ठरेल.
फेरी 3, सुपर 7 – या फेरीत सात संघांसाठी राऊंड-रॉबिन स्वरूप असेल, ज्यातील अव्वल चार संघ उपांत्य फेरीसाठी पात्र ठरतील.
उपांत्य फेरी – पहिल्या क्रमांकावरील संघ चौथ्या क्रमांकावरील आणि दुसऱ्या क्रमांकावरील संघ तिसऱ्या क्रमांकावरील संघ एकमेकांविरुद्ध खेळतील.
अंतिम सामना
आयसीसी पुरुष टी 20 विश्वचषक 2028
टी 20 विश्वचषक 20 संघांचाच असेल, 2028 मध्ये याचे आयोजन ऑस्ट्रेलिया आणि न्यूझीलंड संयुक्तपणे करणार आहेत. स्पर्धेच्या दुसऱ्या टप्प्यात संघांची संख्या वाढवण्यासाठी स्पर्धेचे सुधारित स्वरूप तयार करण्यात आले आहे.
गट फेरी (30 सामने) – 2026 च्या आवृत्तीत प्रत्येकी पाच संघांचे चार गटामध्ये विभागणी केली होती. आता 20 सहभागी संघांना प्रत्येकी चार संघांच्या पाच गटांमध्ये विभागले जाईल. प्रत्येक गटातील अव्वल दोन संघ सुपर 10 मध्ये पोहोचतील.
सुपर 10 (20 सामने) – या फेरीत पाच संघाचे दोन गट असतील. त्यांच्यात राऊंड-रॉबिन पद्धतीने सामने खेळले जातील. प्रत्येक सुपर 10 गटातील विजेते थेट उपांत्य फेरीत पोहोचतील.
एलिमिनेटर्स (2 सामने) – उर्वरित दोन उपांत्य फेरीतील जागेसाठी एका नव्या एलिमिनेटर्स फेरीद्वारे संघ निश्चित होईल. यामध्ये प्रत्येक सुपर 10 गटातील दुसऱ्या क्रमांकावरील संघ विरुद्ध तिसऱ्या क्रमांकावरील संघाशी सामना करतील.
एलिमिनेटरमधील विजेते उपांत्य फेरीत पोहोचतील. त्यानंतर उपांत्य फेरी आणि अंतिम सामना सध्याच्या स्वरूपानुसारच होईल. (New structure unveiled for ICC Men’s Cricket World Cup 2027 and Men’s T20 World Cup 2028)
