आंतरराष्ट्रीय मास्टर्स लीगच्या पहिल्या उपांत्य सामन्यात भारताने ऑस्ट्रेलियाचा 94 धावांनी पराभव केला. या विजयासह, इंडिया मास्टर्सने अंतिम फेरीत प्रवेश केला आहे, ज्यात त्यांचा सामना श्रीलंका आणि वेस्ट इंडिज यांच्यातील दुसऱ्या उपांत्य फेरीतील विजेत्याशी होईल. रायपूरमध्ये खेळल्या गेलेल्या सामन्यात भारताने प्रथम फलंदाजी करताना 20 षटकांत 7 गडी गमावून 220 धावा केल्या, प्रत्युत्तरात ऑस्ट्रेलिया मास्टर्स संघ 18.1 षटकांत सर्व गडी गमावून केवळ 126 धावा करू शकला.
221 धावांच्या लक्ष्याचा पाठलाग करताना ऑस्ट्रेलियाने नियमित अंतराने विकेट गमावल्या. कर्णधार शेन वॉटसनला फक्त 5 धावा करता आल्या. शॉन मार्श आणि बेन डंक यांनी 21-21 धावा केल्या. डॅनियलला फक्त दोन धावा करता आल्या. नॅथन रेडफर्नने 14 चेंडूत 21 धावा केल्या. भारताकडून शाहबाज नदीमने चार, इरफान पठाण आणि विनय कुमारने प्रत्येकी दोन विकेट घेतल्या.
या सामन्यात प्रथम फलंदाजी करताना भारतीय संघाने 20 षटकांत सात गडी गमावून 220 धावांचे मोठे लक्ष्य ठेवले. भारताला मोठ्या धावसंख्येपर्यंत पोहोचवण्यात स्टार अष्टपैलू युवराज सिंगने मोठी भूमिका बजावली. ऑस्ट्रेलियाविरुद्धच्या कारकिर्दीत खळबळ उडवून देणारा युवराज पुन्हा एकदा त्याच्या जुन्या शैलीत खेळताना दिसला. त्याने त्याच्या खेळीदरम्यान सात षटकार मारले.
युवराज सिंगने 30 चेंडूत सात षटकार आणि एका चौकाराच्या मदतीने 59 धावांची शानदार खेळी केली. त्याच्या दमदार खेळीमुळे भारतीय संघ 200 च्या पुढे पोहोचू शकला. कर्णधार सचिन तेंडुलकरने 30 चेंडूत 42 धावा केल्या. युसूफ पठाणने 10 चेंडूत 23 धावा केल्या.
Yuvraj smashed 59 off 30 balls against Australian Masters in #IMLT20
— Rohit Baliyan (@rohit_balyan) March 13, 2025
-He hits 7 Sixes in his innings pic.twitter.com/vhziHjh2lV
