बांग्लादेशविरुद्धच्या पहिल्या कसोटीत रविचंद्रन अश्विनने चमकदार कामगिरी केली. रविचंद्रन अश्विनने पहिल्या डावात शतक झळकावले. त्यावेळी भारतीय संघ अडचणीत होता. मात्र अश्विनने मोठ्या मुश्किलीने शतक झळकावले. यानंतर बांग्लादेशच्या दुसऱ्या डावात अश्विनने 6 बळी घेतले. या चमकदार कामगिरीसाठी अश्विनला सामनावीराचा पुरस्कार देण्यात आला. दरम्यान आता रविचंद्रन अश्विनशी संबंधित मोठी माहिती समोर येत आहे. रविचंद्रन अश्विन पुन्हा एकदा त्या संघाच्या आयपीएल जर्सीमध्ये दिसू शकतो ज्याने त्याने आयपीएल करिअरची सुरुवात केली.
मीडिया रिपोर्ट्सनुसार, रविचंद्रन अश्विन आयपीएल 2025 मध्ये चेन्नई सुपर किंग्जकडून खेळताना दिसू शकतो. जवळपास 10 वर्षांनंतर रविचंद्रन अश्विन चेन्नई सुपर किंग्जच्या जर्सीमध्ये दिसणार असल्याची चर्चा आहे. रविचंद्रन अश्विनचा सध्याचा संघ राजस्थान रॉयल्स त्याला सोडणार का हे पाहणे उत्सुकतेचे ठरणार आहे. जर राजस्थान रॉयल्सने रविचंद्रन अश्विनला सोडले, तर चेन्नई सुपर किंग्ज त्यांच्या जुन्या खेळाडूवर मोठी रक्कम खर्च करण्याची शक्यता आहे. मात्र राजस्थान रॉयल्सने रविचंद्रन अश्विनला सोडले नाही तर हा ऑफस्पिनर पुन्हा एकदा गुलाबी ड्रेसमध्ये खेळताना दिसणार आहे.
मीडिया रिपोर्ट्सवर विश्वास ठेवला तर, चेन्नई सुपर किंग्स आयपीएल लिलावात कोणत्याही किंमतीत भारतीय वेगवान गोलंदाज मोहम्मद शमीला घेण्याचा प्रयत्न करणार आहे. यासाठी आयपीएलमधील सर्वात यशस्वी संघांपैकी एक असलेला चेन्नई सुपर किंग्स मोहम्मद शमीसाठी चांगली रक्कम खर्च करू शकतो. मात्र, चेन्नई सुपर किंग्जने आयपीएल लिलावात मोहम्मद शमीवर आधीच बोली लावली होती. पण त्यांना यश आले नाही. सध्या मोहम्मद शमी गुजरात टायटन्सचा भाग आहे. परंतु असे मानले जाते की गुजरात टायटन्स मोहम्मद शमीला सोडू शकते.
हेही वाचा-
दुसऱ्या कसोटीवर पावसाचं सावट! सामना रद्द झाल्यास WTC गुणतालिकेत भारताचे नुकसान?
IND vs BAN: कोहलीच्या फाॅर्मने वाढवले भारताचे टेंशन, सरावादरम्यान कित्येक वेळा बाद
निवृत्तीबद्दल शिखर धवनचा मोठा खुलासा, म्हणाला, “गेल्या दोन वर्षांत…”
