केएल राहुल आणि शुबमन गिल मैदानावर एकमेकांविरुद्ध खेळताना दिसणार आहेत. आता जर तुम्हाला असे वाटत असेल की, हे अनोखे दृश्य फक्त आयपीएलमध्येच पाहायला मिळते आणि आम्ही कदाचित त्याचबद्दल बोलत आहोत, तर यावेळी तुम्ही पूर्णपणे चुकीचे आहात. केवळ राहुल-गिलच नाही, तर या स्पर्धेत नितीश कुमार रेड्डी आणि रवींद्र जडेजा देखील खेळताना दिसतील. गिल तर आपल्या संघात सामील झाला असून बॅटने धमाका करण्यासाठी सज्ज झाला आहे.
वास्तविक, न्यूझीलंडविरुद्धच्या एकदिवसीय मालिकेत फलंदाजीने चमक दाखवल्यानंतर, आता केएल राहुल रणजी ट्रॉफीमध्ये खेळताना दिसणार आहे. ‘टाइम्स ऑफ इंडिया’च्या वृत्तानुसार, राहुल (29 जानेवारी) रोजी पंजाबविरुद्ध होणाऱ्या सामन्यात कर्नाटककडून खेळताना दिसेल. असे मानले जात आहे की, याच सामन्यात शुभमन गिल पंजाबकडून खेळताना दिसू शकतो. म्हणजेच राहुल आणि गिल मैदानावर एकमेकांसमोर उभे ठाकू शकतात.
दुसरीकडे, नितीश कुमार रेड्डी आंध्र प्रदेशकडून खेळताना दिसणार आहेत. रवींद्र जडेजा देखील सौराष्ट्रकडून आपली चमक दाखवेल. (22 जानेवारी) रोजी सौराष्ट्र आणि पंजाब यांच्यात सामना होणार आहे, ज्यामध्ये गिलचा सामना जडेजाशी देखील होऊ शकतो. मात्र, रिषभ पंतचे या स्पर्धेत खेळणे कठीण दिसत असून, छत्तीसगडविरुद्ध होणाऱ्या सामन्यासाठी त्याचा दिल्लीच्या संघात समावेश करण्यात आलेला नाही.
शुबमन गिलच्या नेतृत्वाखाली भारतीय संघाला अलीकडेच न्यूझीलंडविरुद्धच्या एकदिवसीय मालिकेत पहिल्यांदाच पराभवाचा सामना करावा लागला. किवी संघाने तीन सामन्यांची एकदिवसीय मालिका 2-1 ने जिंकली. संपूर्ण मालिकेत भारतीय गोलंदाजांची स्थिती अत्यंत खराब होती. रवींद्र जडेजा फलंदाजी आणि गोलंदाजी या दोन्ही आघाड्यांवर पूर्णपणे अपयशी ठरला. पूर्ण मालिकेत जडेजा एकही विकेट मिळवू शकला नाही. मात्र, रणजीमध्ये दमदार कामगिरी करून फॉर्मात परतण्याची जडेजाकडे सुवर्णसंधी असेल.
