ओडिशा एफसी अव्वल स्थान डोळ्यासमोर ठेऊन केरला ब्लास्टर्स एफसीचा सामना करणार

भुवनेश्वर, १ फेब्रुवारी २०२४: ओडिशा एफसी त्यांच्या घरच्या प्रेक्षकांसमोर भुवनेश्वर येथील कलिंगा स्टेडियमवर इंडियन सुपर लीग २०२३-२४( ISL) मधील टॉपचा संघ केरला ब्लास्टर्स एफसीचा शुक्रवारी सामना करणार आहे. सध्याच्या ISL सीझनने अनेक कथा मांडल्या आहेत आणि त्यापैकी सर्वात उल्लेखनीय म्हणजे सर्जिओ लोबेरा यांच्या मार्गदर्शनाखाली ओडिशा एफसी खेळणार आहे. एफसी गोवा आणि मुंबई सिटी एफसी यांच्यासोबतच्या यशस्वी कारकिर्दीनंतर स्पॅनियार्डने नवीन आव्हान स्वीकारलं आहे.

लोबेराने क्लबमध्ये केवळ जिंकण्याची मानसिकता आणली नाही, तर खंडीय स्तरावर त्यांचे यश देखील वाढवले आहे. ज्यामुळे त्यांना AFC कपच्या बाद फेरीत पात्र होण्यास मदत झाली. सध्या हा संघ क्रमवारीत तिसऱ्या स्थानावर आहे, अव्वल स्थानावर असलेल्या केरला ब्लास्टर्स एफसीपेक्षा फक्त दोन गुणांनी मागे आहे. उद्याच्या सामन्यातील विजयानंतर त्यांना इव्हान व्हुकोमानोव्हिच यांच्या संघाला क्रमवारीत पिछाडीवर टाकण्यास मदत होईल.

दुसरीकडे, केरला ब्लास्टर्स एफसीला अव्वल स्थानावर असलेल्या मोहिमेचा अर्ध्या टप्प्यात प्रवेश करण्याचा निर्दोष फायदा आहे. डायनॅमिक फॉरवर्ड्स आणि भक्कम बचावाद्वारे त्यांनी घरच्या मैदानावर मिळणाऱ्या सपोर्टवर अनेकदा प्रभावी कामगिरी केली. हे मात्र वेगळे आव्हान असेल. ओडिशा एफसीने सीझनची सुरुवात थोडीशी विसंगतपणे केली असेल, परंतु मोहीम जसजशी पुढे जात आहे तसतसा त्यांचा आत्मविश्वास वाढला आहे. त्यांना घरच्या मैदानावर पराभूत करणे सोपे आव्हान असणार नाही.

बलस्थाने आणि कमकुवत बाबी…
ओडिशा एफसी
या संघांनी आतापर्यंत सर्व काही चांगलं केलं आहे. फक्त लोबेरा यांना या संघासोबत पहिलं जेतेपद जिंकण्याच्या संधीचा फायदा उचलता आला नाही. कलिंगा सुपर चषक फायनलमध्ये घरच्या मैदानावर त्यांना ईस्ट बंगाल एफसी कडून हार पत्करावी लागली. पण, आयएसएलमध्ये दमदार कामगिरी करून गुणतालिकेत सुधारणा करण्यासाठे ते उत्सुक आहेत. ते घरचा जास्तीत जास्त फायदा घेण्यास उत्सुक असतील. आयएसएलमध्ये या स्टेडियममधील त्यांनी शेवटचे चार सामने जिंकले आहेत. शिवाय, ते लोबेरा अंतर्गत कलिंगा स्टेडियमवर खेळलेल्या सर्व सात ISL सामन्यांमध्ये अपराजित राहून, लीगमध्ये त्यांचा हा बालेकिल्ला बनवण्याच्या दिशेने ते हळूहळू काम करत आहेत.

लोबेराच्या तत्त्वज्ञानाचा उलगडा करण्याचे अनेक मार्ग आहेत, परंतु खेळाची मजबूत सुरुवात हा त्याच पायांपैकी एक आहे. या मोहिमेत ओडिशा एफसीने त्यांच्या ISL खेळांच्या पहिल्या १५ मिनिटांत ११ गोल केले आहेत, जे सर्व संघांमध्ये सर्वाधिक आहे.

केरला ब्लास्टर्स एफसी
केरला ब्लास्टर्स एफसीला ओडिशा एफसीविरुद्ध गोल करण्यात कोणतीही अडचण नाही, कारण त्यांनी जुगरनॉट्स विरुद्ध सलग आठवेळा गोल केला आहे. जो गेल्या ९ हंगामात ISL मधील कोणत्याही संघाविरुद्धचा त्यांचा सर्वात चांगला खेळ आहे. दुखापतीमुळे एड्रियन लुना आणि क्वामे पेप्राह यांच्या अनुपस्थितीमुळे त्यांच्या आक्रमणाची बाजू कमकुवत होऊ शकते. तथापि, दिमित्रिओस डिएमांटाकोस हे आव्हान पेलले आहे आणि आघाडीवर त्यांना कोणत्याही चिंतेचा सामना करावा लागणार नाही याची खात्री केली आहे.

डिएमांटाकोसने सध्याच्या इंडियन सुपर लीग सीझनमध्ये अपेक्षित गोल ( ३.३) आणि प्रत्यक्ष केलेले गोल (सात) यांच्यातील सर्वोत्तम फरक नोंदवला आहे. या कालावधीत त्याने नऊ गोल योगदानही नोंदवले आहेत, जे स्पर्धेतील कोणत्याही खेळाडूने केलेले सर्वाधिक आहेत.

महत्त्वाचे खेळाडू
लाल्थाथांगा खावलहरींग ( ओडिशा एफसी )
मिडफिल्डरने मैदानावर उल्लेखनीय उपस्थिती दर्शवली आहे. त्याचे दृढ बचावात्मक इनपुट ओडिशा एफसीच्या बचावात्मक युनिटचे रक्षण करणारे ढाल जोडतात. या मोसमात ११ सामन्यांत त्याने ९१७ मिनिटांत प्रत्येकी एक गोल आणि एक सहाय्य केले आहे. त्याने पासिंगची ८५% अचूकता नोंदवली आहे, गोल करण्याच्या आठ संधी निर्माण केल्या आहेत. त्याने प्रति गेम सरासरी ४४ पास केले आहेत आणि १२ वेळा रोखले आहेत.

दानिश फारूक ( केरला ब्लास्टर्स एफसी)
दानिश फारूक हा ISL 2023-24 मध्ये केरला ब्लास्टर्स एफसी साठी उत्कृष्ट स्टार्सपैकी एक आहे. तो त्यांच्या मिडफिल्ड फोरचा महत्त्वाचा सदस्य आहे. गोलसाठी संधी शोधण्यात आणि दिलेल्या क्षणी त्याचा जास्तीत जास्त उपयोग करण्यात तो उत्कृष्ट आहे. फारुकने ११ सामन्यांमध्ये दोन गोल केले आहेत आणि १ गोल सहाय्य केले आहे. शिवाय पाच गोल करण्याच्या संधी निर्माण केल्या असून १२ इंटरसेप्शन केले आहेत. त्याला आधीच पाच पिवळे कार्ड दाखविण्यात आल्याने त्याच्या बुकिंगवर बारीक नजर ठेवावी लागेल. (Odisha FC will take on Kerala Blasters FC with their eyes on the top spot)

महत्वाच्या बातम्या – 
प्रथम श्रेणी जिल्हास्तरीय कबड्डी स्पर्धा । ओम पिंपळेश्वर, अमर क्रीडा, विजय नवनाथ, लायन्स स्पोर्टस उपांत्यपूर्व फेरीत
L&T मुंबई ओपन डब्लूटीए १लाख २५हजार डॉलर टेनिस स्पर्धेसाठी अंकिता, ऋतुजासह चार भारतीयांना मिळणार वाईल्ड कार्ड