आयपीएल २०२२मध्ये वॉर्नर हैदराबाद सोडून खेळणार दुसऱ्या संघांकडून? अन्य फ्रँचायझीनी संपर्क साधल्याची चर्चा

ऑस्ट्रेलियाचा दिग्गज फलंदाज डेविड वॉर्नरसाठी आयपीएल २०२१ हंगाम चांगला ठरला नाही. त्याची आयपीएल फ्रँचायझी सनरायझर्स हैदराबाद यावर्षी आयपीएलमध्ये काही खास कामगिरी करू शकली नाही. याच कारणास्तव वॉर्नरला हैदराबादच्या कर्णधारपावरून पायउतार व्हावे लागले. तसेच त्याला हंगामातील काही सामन्यांमध्ये संघाच्या प्लेइंग इलेव्हनमध्येही सामील केले गेले नव्हते. वॉर्नरला फ्रेंचायाझीने दिलेल्या वागणुकीमुळे तो नाराज असल्याचे दिसत आहे. तसेच आता माहिती मिळत आहे की, आयपीएलमधील इतर फ्रँचायझी त्याला संघात सामील करण्यासाठी इच्छुक आहेत.

डेविड वॉर्नरचे आयपीएलमधील आतापर्यंतच्या प्रदर्शन पाहिले तर, इतर फ्रँचायझी त्याला आजही मोठी किंमत देऊन त्यांच्या संघात सामील करू शकतात. फॉक्स स्पोर्ट्स डॉट कॉम डॉट यू च्या वृत्तानुसार आयपीएल २०२२ सुरू होण्यापूर्वीच इतर संघांपैकी अनेकांनी वॉर्नरशी संपर्क साधला आहे.

असे सांगितले जात आहे की, सनरायझर्स हैदराबादने वॉर्नरला देलेल्या वागणुकीमुळे इतर संघ हैराण आहेत आणि त्याला स्वतःच्या संघात सामील करण्याच्या प्रयत्नात आहेत.

डेविड वॉर्नरने सोशल मीडियावर एक पोस्ट शेअर केली होती, ज्यामधून तो त्याच्या फ्रँचायझीवर नाराज असल्याचे स्पष्ट होत होते. तसेच तो हैदराबाद संघ सोडणार असल्याचे संकेतही मिळाले होते. वॉर्नरने पोस्टमध्ये लिहिले होते की, “आठवणींसाठी धान्यवाद. सर्व चाहते, तुम्ही आमच्या संघाला १००% देण्यासाठी नेहमीच प्रेरक शक्ती राहिलात. तुम्ही दाखवलेल्या समर्थनासाठी मी तुम्हा सर्वांचे आभार मानण्यासाठी माझ्याकडे शब्द नाही. हा एक अप्रतिम प्रवास राहिला आहे. मी आणि माझे कुटुंब तुम्हा सर्वांची आठवण काढू.”

https://www.instagram.com/p/CUxRRFgJDRW/

वॉर्नरच्या या पोस्टमधून तो फ्रँचायझी सोडेल असा अंदाज लावला जात आहे. मागच्या काही सामन्यात वॉर्नरला मैदानाबाहेर पाहून चाहतेही संतापलेले दिसत आहेत आणि हैदराबाद संघव्यवस्थापनाला याबाबत प्रश्न विचारत आहेत

दरम्यान, वॉर्नरसाठी  आयपीएल २०२१ चा हंगाम खूपच खराब राहिला आहे. त्याने या हंगामात ८ सामन्यांत केवळ २४.४७ च्या सरासरीने अवघ्या १९५ धावा केल्या आहेत.

महत्त्वाच्या बातम्या – 

टी२० विश्वचषकातील सर्व १६ संघ होणार मालामाल! आयसीसीकडून बक्षीस रकमेची घोषणा

मॅक्सवेलवरील १४.२५ कोटींची बोली आरसीबीसाठी ठरली फायद्याची, ऑसी ऑलराउंडरने ८ हंगामांची कसर काढली भरुन

वो हसीना बडी सुंदर! हरली देओलचे गोल्फ कोर्सवरील फोटोंनी चाहत्यांना भुरळ; पाहून तुम्हीही पडाल प्रेमात