Gautam Gambhir Oval Pitch Curator: भारत विरुद्ध इंग्लंड पाचव्या कसोटीपूर्वी मुख्य प्रशिक्षक गौतम गंभीर वादात सापडले आहेत. ओव्हल मैदानावर सराव सत्रादरम्यान त्यांना पिच क्यूरेटर ली फोर्टिसवर बोट उंचावताना पाहिले गेले होते. आता क्यूरेटर फोर्टिसने या विषयावर स्वतः प्रतिक्रिया दिली आहे. फोर्टिसचे म्हणणे आहे की, मैदानात काय घडले, हे गौतम गंभीरलाच विचारले पाहिजे. गंभीर असे बोलताना ऐकू आले होते की, “कुणाला काय करायला पाहिजे आणि काय नाही, हे तुम्हाला सांगण्याची गरज नाही.” (Gautam Gambhir Oval controversy)
रिपोर्टर्सशी बोलताना ली फोर्टिसला या संपूर्ण वादावर त्यांची बाजू काय आहे, असे विचारले असता, त्यांनी उत्तर दिले, “आज सकाळी त्यांचा (गंभीरचा) मूड कसा होता, ते तुम्ही सर्वांनी पाहिले. ते थोडे संवेदनशील आहेत. या वादामध्ये माझी कोणतीही बाजू नाही, हे तुम्हाला त्यांनाच (गंभीरलाच) विचारले पाहिजे.” (Lee Fortis pitch curator Statement)
मैदानात जे काही घडले, त्याबद्दल तथ्ये सांगण्याच्या प्रश्नांना फोर्टिस टाळण्याचा प्रयत्न करताना दिसले. ते म्हणाले, “सर्व काही ठीक आहे, इथे लपवण्यासारखे काहीही नाही.”
मैदानात गंभीर आणि फोर्टिस यांच्यात बाचाबाची तेव्हा झाली, जेव्हा भारतीय गोलंदाज नेट्समध्ये आपला रन-अप मार्क सेट करत होते. याबद्दल भारताचे फलंदाजी प्रशिक्षक सितांशु कोटक यांनीही मोठे विधान करत म्हटले आहे की, हा वाद पिच क्यूरेटरमुळेच सुरू झाला होता. खरेतर, जेव्हा भारतीय सपोर्ट स्टाफ खेळपट्टी जवळून पाहण्यासाठी जात होता, तेव्हाच क्यूरेटर ओरडला की, खेळपट्टीच्या जवळ जायचे नाही. (Sitanshu Kotak statement)
सितांशु कोटक पुढे म्हणाले, “आमच्या कोणत्याही गोलंदाजाने स्पाइक्सचे बूट घातले नव्हते. तुम्ही बचावात्मक असू शकता, पण गर्विष्ठ आणि हट्टी असणे चुकीचे आहे. क्यूरेटरचे म्हणणे होते की, ते खेळपट्टीवर अधिक गवत वाढवण्याचा प्रयत्न करत आहेत.” (Sitanshu Kotak statement) गंभीरविरुद्ध अधिकृतपणे तक्रार करण्याची धमकीही देण्यात आली होती, अशी माहिती आहे.
