मुंबईच्या दिग्गज फिरकीपटू पद्माकर शिवलकर यांनी सोमवारी अखेरचा श्वास घेतला. वयाच्या 84व्या वर्षी त्यांनी या जगाचा निरोप घेतला. भारतीय क्रिकेटच्या इतिहासात एक उत्कृष्ट फिरकीपटू म्हणून त्यांचे नाव घेतले जात असे, मात्र दुर्दैवाने त्यांना राष्ट्रीय संघात खेळण्याची संधी कधीच मिळाली नाही. तरीही, प्रथम श्रेणी क्रिकेटमध्ये त्यांनी आपल्या अप्रतिम कामगिरीने स्वतःची वेगळी ओळख निर्माण केली. त्यांच्या निधनाने क्रिकेट विश्वात शोककळा पसरली असून अनेक दिग्गजांनी त्यांना श्रद्धांजली अर्पण केली आहे.
डावखुरा फिरकीपटू असलेल्या शिवलकर यांनी वयाच्या 22व्या वर्षी रणजी ट्रॉफीमध्ये पदार्पण केले. ते जवळजवळ 50व्या वर्षापर्यंत क्रिकेट खेळले. 1960 ते 1988 या कालावधीत त्यांनी 124 प्रथम श्रेणी सामने खेळून 589 विकेट्स घेतल्या. रणजी ट्रॉफीमध्ये त्यांनी 361 विकेट्स मिळवल्या आणि 11 वेळा 10 विकेट हाॅल घेण्याचा पराक्रम केला. मुंबईच्या संघासोबत त्यांनी 10 वेळा रणजी ट्रॉफी जिंकली. सात वर्षांच्या कालावधीनंतर त्यांनी पुनरागमन करून 47व्या वर्षी दोन सामने खेळले. त्यांच्या अप्रतिम फिरकीमुळे अनेक मोठ्या फलंदाजांना अडचणीत टाकले.
2017 मध्ये भारतीय क्रिकेट नियामक मंडळाने (BCCI) त्यांना प्रतिष्ठित सीके नायडू ‘जीवनगौरव’ पुरस्काराने सन्मानित केले. सुनील गावस्कर यांनी त्यांच्यावर मोठा विश्वास ठेवला होता, परंतु भारतीय संघात त्यांना संधी मिळू शकली नाही, ही त्यांचीच नव्हे, तर अनेक चाहत्यांचीही खंत राहिली. त्यांच्या निधनाने भारतीय क्रिकेटविश्वाला मोठी हानी झाली आहे. पद्माकर शिवलकर यांचे योगदान कायम स्मरणात राहील.
Mumbai cricket has lost a true legend today. Padmakar Shivalkar Sir’s contribution to the game, especially as one of the finest spinners of all time, will always be remembered. His dedication, skill, and impact on Mumbai cricket are unparalleled. His passing is an irreplaceable… pic.twitter.com/Nmca72CNfB
— Ajinkya Naik – President, MCA. (@ajinkyasnaik) March 3, 2025
शिवलकर हे केवळ उत्कृष्ट गोलंदाजच नव्हते, तर एक आदर्श संघखेळाडू आणि मार्गदर्शकही होते. क्रिकेटमधील त्यांच्या प्रदीर्घ कारकिर्दीत त्यांनी अनेक युवा खेळाडूंना प्रेरित केले आणि फिरकी गोलंदाजीचे बारकावे शिकवले. मुंबईच्या वर्चस्वाच्या काळात त्यांनी संघासाठी महत्त्वाची भूमिका बजावली, आपल्या अनुभवाच्या जोरावर अनेक विजय घडवून आणले. क्रिकेटमधील त्यांचे योगदान पाहता, त्यांचे नाव भारतीय क्रिकेटच्या इतिहासात सुवर्णाक्षरांनी लिहिले जाईल. त्यांच्या जाण्याने भारतीय क्रिकेट विश्वातील एक महान पर्व संपले आहे.
हेही वाचा-
ऑस्ट्रेलियाची मोठी चाल, भारतीय खेळाडूचा संघात समावेश करणार? टीम इंडियाची डोकेदुखी वाढली
IPL 2025: केकेआर कर्णधारांची यादी; रहाणेच्या स्थानाची चर्चा, गंभीरचा विक्रम अद्भुत!
चॅम्पियन्स ट्रॉफी 2025: सेमीफायनल सामने कुठे आणि कधी? संपूर्ण माहिती एका क्लिकवर!
