टी-२० वर्ल्ड कप २०२६ च्या ‘सुपर ८’ फेरीमध्ये पाकिस्तानला इंग्लंडविरुद्ध पराभवाचा सामना करावा लागला. या पराभवामुळे पाकिस्तानचा सेमीफायनलचा मार्ग खडतर झाला आहे. असे असले तरी, पाकिस्तानचा सलामीवीर फलंदाज साहिबजादा फरहान उत्तम फलंदाजी करत आहे. सध्या तो टी-२० वर्ल्ड कप २०२६ मध्ये सर्वाधिक धावा करणारा खेळाडू ठरला आहे. फरहान आता विराट कोहलीचा वर्ल्ड रेकॉर्ड मोडण्याच्या अगदी उंबरठ्यावर उभा आहे.
खरं तर, टी-२० वर्ल्ड कपच्या एकाच हंगामात (Edition) सर्वाधिक धावा करण्याचा विक्रम विराट कोहलीच्या नावावर आहे. त्याने २०१४ च्या टी-२० वर्ल्ड कपमध्ये ३१९ धावा केल्या होत्या. दुसरीकडे, साहिबजादा फरहानने आतापर्यंत ६ सामन्यांत २८३ धावा केल्या आहेत. अशा परिस्थितीत, फरहानने जर आणखी फक्त ३७ धावा केल्या, तर तो विराट कोहलीचा १२ वर्षांपूर्वीचा वर्ल्ड रेकॉर्ड मोडीत काढेल. पाकिस्तानचा ‘सुपर ८’ मधील शेवटचा सामना २८ फेब्रुवारीला श्रीलंकेविरुद्ध होणार आहे.
