भारताची स्टार बॅडमिंटनपटू पीव्ही सिंधूने टोकियो ऑलिंपिक्स २०२० मध्ये देशाची मान उंचावली आहे. तिने चीनच्या बिंगजियाओला सरळ सेटमध्ये पराभूत करत महिला एकेरी स्पर्धेत कांस्य पदक जिंकले आहे. यासह ती ऑलिंपिकमध्ये दोन पदकं जिंकणारी पहिली महिला खेलाडू बनली आहे. यापूर्वी तिने रिओ ऑलिंपिकमध्ये रौप्य पदक जिंकले होते. या कामगिरीनंतर भारताचे पंतप्रधान नरेंद्र मोदींनी तिचे कौतुक केले आहे.
पंतप्रधान नरेंद्र मोदींनी केले कौतुक
मोदींनी ट्वीट करत म्हटले की, “पीव्ही सिंधूच्या उत्कृष्ट कामगिरीमुळे आम्ही सर्वजण आनंदी आहोत. टोकियो ऑलिंपिकमध्ये कांस्य पदक जिंकल्याबद्दल तिचे अभिनंदन. ती भारताची शान आहे आणि आमच्या सर्वोत्कृष्ट ऑलिंपियन्सपैकी एक आहे.” (PM Narendra Modi congratulate PV Sindhu on winning bronze medal at Tokyo Olympics)
https://twitter.com/narendramodi/status/1421814412340387841
मोदींव्यतिरिक्त राष्ट्रपती रामनाथ कोविंद यांनीही ट्वीट करत तिचे अभिनंदन केले आहे.
https://twitter.com/rashtrapatibhvn/status/1421811065965273094
सामना जिंकल्यानंतर सिंधूच्या भावना काय होत्या?
सामन्यानंतर सिंधू म्हणाली की, “मला खूप आनंद होतोय. कारण, मी इतके वर्ष कठोर मेहनत घेतली आहे. माझ्यामध्ये भावनांचा पूर आला होता. मला कांस्य पदक जिंकले, या गोष्टीचा आनंद झाला पाहिजे की, अंतिम सामन्यात खेळण्याची संधी गमावली, याचे दु:ख झाले पाहिजे? मात्र, एकूणच मला या सामन्यात आपल्या भावना विसरून आपले सर्वोत्तम द्यावे लागले. मी खरोखरच आनंदी आहे. मला वाटते की, मी खरोखरच चांगली कामगिरी केली आहे. माझ्या देशासाठी पदक मिळवणे गौरवाचा क्षण आहे.”
“मी खूप आनंद आहे. मी या क्षणाचा आनंद घेण्यासाठी जात आहे. माझ्या कुटुंबाने माझ्यासाठी खूप मेहनत घेतली आणि खूप प्रयत्न केला आहे, त्यासाठी मी खूप आभारी आहे. तसेच माझ्या प्रायोजकांनीही मला आपले सर्वोत्तम दिले आहे. मला त्यांनाही धन्यवाद द्यायचा आहे आणि या क्षणाचा आनंद घ्यायचा आहे. अनेक भारतीयांनी मला प्रेम आणि पाठिंबा दिला आणि मी त्यासाठी त्यांची खूप आभारी आहे,” असे पुढे बोलताना ती म्हणाली.
यापूर्वी भारताची स्टार बॅडमिंटनपटू पीव्ही सिंधूला एकेरी गटाच्या उपांत्य सामन्यात जागतिक अव्वल मानांकित चीनी ताईपेच्या ताय झू यिंगकडून २१- १८, २१-१२ अशा सरळ सेटमध्ये पराभूत व्हावे लागले होते. या पराभवामुळे सिंधू सुवर्णपदकाच्या स्पर्धेतून बाहेर पडली होती.
सिंधूपूर्वी कोणत्या भारतीय खेळाडूने जिंकले आहेत २ ऑलिंपिक पदकं?
विशेष म्हणजे यापूर्वी भारतीय कुस्तीपटू सुशील कुमारने ऑलिंपिकमध्ये दोन पदकं जिंकली होती. त्याने २००८ बीजिंग ऑलिंपिक्समध्ये ६६ किलो वजनी गटात फ्रीस्टाईल कुस्ती स्पर्धेत कांस्य पदक जिंकले होते. त्यानंतर चार वर्षांनी २०१२ लंडन ऑलिंपिक्समध्ये रौप्य पदक जिंकले होते.
ऑलिंपिकशी संबंधित बातम्या-
-सिंधूने रचला इतिहास! टोकियोत ‘कांस्य’ जिंकत दोन ऑलिंपिक पदकं मिळणारी बनली भारताची दुसरीच खेळाडू
–सेमीफायनलमध्ये पराभूत झाल्यानंतर सिंधूला वडिलांचा पाठिंबा; म्हणाले, ‘पराभव विसरून…’
