राजकोट | भारत विरुद्ध विंडीज दोन कसोटी सामन्यांतील पहिल्या कसोटी सामन्यासाठी १२ खेळाडूंचा संघ आज घोषीत करण्यात आला. या सामन्यात १८ वर्ष ३२८ दिवस वय असलेला पृथ्वी शाॅ पदार्पण करणार आहे.
त्याला सलामीवीर म्हणुन संघात स्थान देण्यात आले असुन मयांक अग्रवालला पदार्पणासाठी वाट पहावी लागणार आहे.
भारताकडून आजपर्यंत शाॅ सोडून एकूण २९२ खेळाडूंना कसोटीत संधी मिळाली आहे. त्यात यावर्षी जानेवारी महिन्यात वेगवान गोलंदाज जसप्रीत बुमराहने दक्षिण आफ्रिकेविरुद्ध पदार्पण केले होते.
इंग्लंडविरुद्ध तिसऱ्या कसोटीत यष्टीरक्षक रिषभ पंतने तर पाचव्या कसोटीत हनुमा विहारीने कसोटी पदार्पण केले होते. यातील केवळ रिषभ पंतच्या पदार्पणाच्या सामन्यात भारताला विजय मिळवता आला होता तर बुमराह आणि विहारीच्या पदार्पणाच्या सामन्यात टीम इंडियाला पराभव पहावा लागला होता.
भारताकडून कसोटी पदार्पण करणारा शाॅ हा एकूण २९३वा खेळाडू ठरणार आहे.
१२ खेळाडूंच्या या संघात विराट कोहली, केएल राहुल, पृथ्वी शाॅ, चेतेश्वर पुजारा, अजिंक्य रहाणे, रिषभ पंत, आर अश्विन, रविंद्र जडेजा, कुलदीप यादव, मोहम्मद शमी, उमेश यादव आणि शार्दुल ठाकूर यांचा समावेश आहे.
भारताकडून २०१८मध्ये कसोटी पदार्पण करणारे खेळाडू
जानेवारी- जसप्रीत बुमराह, दक्षिण आफ्रिका, पराभूत
आॅगस्ट- रिषभ पंत, इंग्लंड, विजयी
सप्टेंबर- हनुमा विहारी, इंग्लंड, पराभूत
आॅक्टोबर- पृथ्वी शाॅ, विंडीज, –#म #मराठी@MarathiRT @MarathiBrain @Mazi_Marathi @HashTagMarathi @BeyondMarathi— Sharad Bodage (@SharadBodage) October 3, 2018
महत्वाच्या बातम्या-
–राजकोट कसोटीसाठी टीम इंडियाची घोषणा, पृथ्वी शाॅ करणार पदार्पण
–एशिया कपमध्ये खेळलेल्या २१ वर्षीय खेळाडूने पायलट बनण्यासाठी क्रिकेटमधून घेतली निवृत्ती
–विराट कोहलीला अझरुद्दीनचा हा विक्रम मोडण्याची संधी
–विजय हजारे ट्राॅफी: विदर्भाचा महाराष्ट्रावर 3 विकेट्सने विजय
