मराठीत माहिती- क्रिकेटर अभिषेक नायर

संपुर्ण नाव- अभिषेक मोहन नायर

जन्मतारिख- 8 ऑक्टोबर, 1983

जन्मस्थळ- सिकंदराबाद, हैद्राबाद

मुख्य संघ- भारत, इंडिया ग्रीन, किंग्स इलेव्हन पंजाब, मुंबई, मुंबई क्रिकेट असोसिएशन अध्यक्षयी एकादश, मुंबई इंडियन्स, पुदुच्चेरी, पुणे वॉरियर्स आणि राजस्थान रॉयल्स

फलंदाजीची शैली- डाव्या हाताचा फलंदाज

गोलंदाजीची शैली- उजव्या हाताचा मध्यमगती गोलंदाज

आंतरराष्ट्रीय वनडे पदार्पण- भारत विरुद्ध वेस्ट इंडिज, तारिख – 3 जुलै, 2009, ठिकाण – ग्रॉस आयलेट

आंतरराष्ट्रीय वनडे कारकिर्द-

फलंदाजी- सामने- 3, धावा- 0, शतके- 0

गोलंदाजी- सामने- 3, विकेट्स- 0, सर्वोत्तम कामगिरी- 0/00

थोडक्यात माहिती-

-अभिषेक मोहन नायर याचा जन्म सिकंदराबादमध्ये झाला. पण त्याचे आई-वडील हे मुळातले केरळमधले होते. काही वर्षांनंतर ते सिंकदराबादमध्ये स्थित झाले.

-नायरने मुंबईमध्ये लहानाचा मोठा झाला. तिथल्या शिवाजी पार्क स्टेडियममधून त्याने क्रिकेटची सुरुवात केली.

-डाव्या हाताचा मधल्या फळीतील फलंदाज आणि उजव्या हाताचा मध्यमगती गोलंदाज, अशी नायरची शैली होती.

-तो 2006पर्यंत मुंबई एकादश संघातील कायमचा खेळाडू होता. तर 2015मध्ये त्याच्याकडे संघाचे उपकर्णधारपद सोपवण्यात आले.

-2006च्या रणजी ट्रॉफी सामन्यात गुजरातविरुद्ध आपले पहिले प्रथम श्रेणी शतक त्याला पूर्ण करता आले नव्हते. पण, पुढे त्याचवर्षातील मोहम्मद निसार ट्रॉफीतील कराची अर्बन विरुद्धच्या सामन्यात 152 धावा करत नायरने आपले प्रथम श्रेणीतील पहिले शतक ठोकले होते.

-2009मधील वेस्ट इंडिज दौऱ्यावरील वनडे मालिकेतून नायरने आंतरराष्ट्रीय क्रिकेटमध्ये पदार्पण केले होते. तो केवळ 3 वनडे सामने खेळला.

-वनडेमध्ये एक नकोसा विक्रम नायरच्या नावावर आहे. 50 षटकांच्या सामन्यात सर्वात मोठे षटक टाकण्याचा विक्रम त्याच्या नावावर आहे. देवधर ट्रॉफीतील दक्षिण विभागाविरुद्धच्या सामन्यात नायरने 10 वाइड बॉल आणि 1 नो बॉल टाकला होता. अशाप्रकारे 17 चेंडूंचे एक षटक त्याने टाकले होते.

-2012-13मध्ये मुंबईला रणजी ट्रॉफी जिंकून देण्यात त्याचे मोठे योगदान होते. संपूर्ण हंगामात त्याने 966 धावा केल्या होत्या. तसेच तो हंगामातील सर्वोत्कृष्ठ फलंदाजांच्या यादीत दुसऱ्या क्रमांकावर होता.

-2012-13च्या रणजी ट्रॉफी हंगामात उत्कृष्ठ कामगिरी करणारा अष्टपैलू क्रिकेटपटू ठरल्याने नायरला लाला अमरनाथ पुरस्कार देण्यात आला.

-आयपीएलमध्ये मुंबई इंडियन्स, किंग्स इलेव्हन पंजाब, पुणे वॉरियर्स आणि राजस्थान रॉयल्स संघाकडून नायर खेळला आहे.

-2014मध्ये नायरने नताशा शेख हिच्याशी लग्न केले.

-23 ऑक्टोबर, 2019ला नायरने क्रिकेटच्या सर्व स्वरूपातून निवृत्ती घेतली.