जोहान्सबर्गच्या वांडरर्स स्टेडियमवर पाकिस्तान विरुद्ध दक्षिण आफ्रिका यांच्यात खेळला गेलेला तिसरा वनडे सामना क्रिकेटच्या पलीकडे एक अनोखा अनुभव होता. पिंक डे दिवशी खेळल्या गेलेल्या या सामन्यात ज्यामध्ये पाकिस्तानने दक्षिण आफ्रिकेला आपल्या भूमीवर प्रथमच एकदिवसीय मालिकेत क्लीन स्वीप करून इतिहास रचला. यासोबतच दोन संस्मरणीय क्षणही स्टेडियममध्ये नोंदवले गेले. प्रथम, एका महिलेने स्टेडियममध्ये मुलाला जन्म दिला आणि दुसरा एका तरुणाने आपल्या मैत्रिणीला प्रपोज केले.
सामन्यादरम्यान स्टेडियमच्या मेडिकल रूममध्ये बाळाचा जन्म झाला. स्क्रीनवर संदेश दिसला, “मिस्टर आणि मिसेस राबेंग यांना त्यांच्या मुलाच्या जन्माबद्दल अभिनंदन.” हा खास क्षण प्रेक्षकांसाठी भावूक तर होताच, पण तो वाँडरर्स स्टेडियमच्या आठवणींमध्ये कायमचा नोंदवला गेला.
???? BABY BORN AT THE CRICKET STADIUM….!!!! ????
– Mrs. Rabeng gives birth to a baby boy in the medical centre at the Wanderers Stadium during South Africa Vs Pakistan ODI. ???? pic.twitter.com/t9poPzLJ8f
— Mufaddal Vohra (@mufaddal_vohra) December 22, 2024
या सामन्यादरम्यान एका तरुणाने आपल्या मैत्रिणीला प्रेक्षकांसमोर प्रपोज केले. गुडघ्यावर बसून आपल्या मैत्रिणीला अंगठी दिल्याच्या या दृष्याने स्टेडियम टाळ्या आणि जल्लोषाने गुंजले. हा प्रेमाने भरलेला क्षण सामन्याचे खास आकर्षण ठरला. जो दक्षिण आफ्रिकेच्या क्रिकेट संघानेही सोशल मीडियावर शेअर केला.
Pink Day ODI’s are for proposals????
Congratulations to the amazing couple on your engagement, may your marriage last a lifetime and more!✨????#WozaNawe #BePartOfIt #PinkDay #SAvPAK pic.twitter.com/V8wZtdIkn1
— Proteas Men (@ProteasMenCSA) December 22, 2024
पाकिस्तानने या सामन्यावर 36 धावांनी विजय मिळवला आणि दक्षिण आफ्रिकेत पहिला क्लीन स्वीप करून इतिहास रचला. पाहुण्या संघाकडून सॅम अयुबने 105 धावांची शानदार खेळी केली, तर नवोदित सुफियान मोकीमने 4 बळी घेतले. बाबर आझम आणि मोहम्मद रिझवान यांनीही अर्धशतके झळकावल्यामुळे पाकिस्तानने 308/9 धावा केल्या.
धावांचा पाठलाग करताना दक्षिण आफ्रिकेचा संघ 272 धावांवर सर्वबाद झाला. हेन्रिक क्लासेनने 81 धावांची जलद खेळी खेळली. पण त्याचे प्रयत्न संघाला विजयापर्यंत नेऊ शकले नाहीत. पाकिस्तानचा ऐतिहासिक विजय आणि या सामन्यातील संस्मरणीय क्षण क्रिकेट चाहत्यांसाठी कायमचे खास बनवले.
हेही वाचा-
INDW vs WIW; हरमनप्रीत कौरने एका हाताने घेतला आश्चर्यकारक झेल, पाहा VIDEO
पाकिस्तानचा ऐतिहासिक विक्रम, दक्षिण आफ्रिकेत अशी कामगिरी करणारा पहिलाच संघ
IND-W vs WI-W: टीम इंडियाने रचला इतिहास, पहिल्या वनडे मध्ये केला मोठा पराक्रम
टी-20 वर्ल्ड कप 2026 मध्ये रंगणार दिग्गजांची मैफल! विश्वचषकासाठी ‘स्टार’ कॉमेंट्री पॅनेलची घोषणा