पुणे, 8 सप्टेंबर 2023: पुणे जिल्हा स्क्वॅश रॅकेट संघटना आणि महाराष्ट्र राज्य स्क्वॅश रॅकेट संघटना यांच्या संयुक्त विद्यमाने आयोजित आंतरजिल्हा राज्यस्तरीय स्क्वॅश अजिंक्यपद स्पर्धेत 13 वर्षाखालील मुलांच्या गटात आरव माथूर, विराज देवरा, विनय शिंदे, अरमान चौधरी यांनी आपापल्या प्रतिस्पर्धी खेळाडूंचा पराभव करून आगेकूच केली.
एनआयबीएम रोड येथे नव्याने उभारण्यात आलेल्या महाराष्ट्र स्क्वॅश अकादमी आणि इव्हॉल्व्ह स्क्वॅश कोर्टवर आजपासून सुरू झालेल्या या स्पर्धेत 13 वर्षांखालील मुलांच्या गटात पहिल्या फेरीत पुण्याच्या आरव माथूरने जळगावच्या हिमांशू जावळेचा 11-04, 11-02 असा तर, औरंगाबादच्या विराज देवराने परभणीच्या श्लोक गुर्जरचा 11-03, 11-01 असा पराभव केला. चुरशीच्या लढतीत उस्मानाबाद च्या विनय शिंदेने पुण्याच्या बुरहान भानपूरवालाचा 10-12, 11-07, 12-10 असा संघर्षपूर्ण पराभव केला. 13 वर्षांखालील मुलींच्या गटात उपांत्य फेरीत उस्मानाबादच्या वसुंधरा नागरे हिने परभणीच्या आराधना ताटेचा 11-2, 11-3 असा तर, पुण्याच्या दृष्टी खत्रीने आपली शहर सहकारीआरवी रैनाचा 05-11, 11-09, 11-00 असा पराभव करून अंतिम फेरी गाठली.
स्पर्धेचे उद्घाटन समाजसेवक राजेंद्र भिंताडे, महाराष्ट्र ऑलिम्पिक संघटनेचे सहसचिव दयानंद कुमार, महाराष्ट्र स्क्वॅश रॅकेट संघटनेचे अध्यक्ष प्रदीप खांडरे, पुणे जिल्हा स्क्वॅश रॅकेट संघटनेचे सचिव ऍडव्होकेट आनंद लाहोटी यांच्या हस्ते करण्यात आले. यावेळी चेतन आमिन, सतीश पोतदार, नकुल चव्हाण आदी मान्यवर उपस्थित होते. महाराष्ट्र ऑलिम्पिक संघटनेचे सहसचिव दयानंद कुमार यांनी महाराष्ट्र स्क्वॅश रॅकेट संघटनेच्या वतीने नव्याने उभारण्यात आलेल्या आंतर राष्ट्रीय दर्जाच्या 3 ग्लास कोर्टसाठी शुभेच्छा दिल्या.
स्पर्धेचा सविस्तर निकाल: 11 वर्षाखालील मुले: पहिली फेरी:
सिरहान सिंघी (पुणे) वि.वि.सिद्धांत शर्मा (जळगाव) 11-06, 08-11, 11-07;
रणवीर खेडकर (जळगाव)वि.वि.राघव ठोंबरे (उस्मानाबाद) 11-06, 10-12, 11-04;
विराज जाधव (पुणे)वि.वि.अभिजय येवले (परभणी) 11-04, 11-02;
विहान जाधव (पुणे)वि.वि.सुदर्शन राऊत (परभणी)01-11, 11-06, 11-04;
विवान रॉय (पुणे)वि.वि.व्यंकटेश पुणे (परभणी) 11-02, 11-01;
हृदय गाडेकर (औरंगाबाद)वि.वि.श्लोक गिराम (परभणी) 11-07, 11-07;
13 वर्षांखालील मुली: उपांत्य फेरी:
वसुंधरा नागरे (उस्मानाबाद)वि.वि.आराधना ताटे(परभणी) 11-2, 11-3;
दृष्टी खत्री(पुणे)वि.वि.आरवी रैना(पुणे)05-11, 11-09, 11-00);
13 वर्षांखालील मुले: पहिली फेरी:
विराज देवरा (औरंगाबाद)वि.वि.श्लोक गुर्जर (परभणी) 11-03, 11-01;
विनय शिंदे (उस्मानाबाद)वि.वि.बुरहान भानपूरवाला (पुणे) 10-12, 11-07, 12-10;
अरमान चौधरी (पुणे)वि.वि.मुरुगेंद्र बी (औरंगाबाद) 11-01, 11-00;
आरव माथूर (पुणे)वि.वि.हिमांशू जावळे (जळगाव) 11-04, 11-02;
उत्कर्ष वाघ (जळगाव)वि.वि.हर्षवर्धन के(सांगली) 11-03, 11-08;
महत्वाच्या बातम्या –
ASIA CUP: श्रीलंकेचा विजयरथ सुसाट! सलग 13 व्या वनडेत मारले मैदान, बांगलादेशचे आव्हान संपुष्टात
INDvPAK: पाकिस्तानने एक दिवस आधीच घोषित केली प्लेईंग इलेव्हन, ‘त्या’ खेळाडूला मिळाला डच्चू