महाराष्ट्र राज्य कबड्डी असोसिएशनच्या मान्यतेने रत्नागिरी जिल्हा कबड्डी असोसिएशन व चिपळूण तालुका कबड्डी असोसिएशन यांच्या सौजन्याने ६७वी वरिष्ठ गट पुरुष महिला राज्य अजिंक्यपद निवड चाचणी कबड्डी स्पर्धाच आयोजन करण्यात आले आहे.
६७व्या राज्य अजिंक्यपद कबड्डी स्पर्धेसाठी पुणे जिल्हाने आपले दोन्ही संघ जाहीर केले आहेत. पुरुष गटात अक्षय जाधव, सुनील दुबिले, विकास काळे हे मात्तबर खेळाडु संघात आहेत. महिला गटात अंकिता जगताप, पूजा शेलार, आम्रपाली गलांडे, मानसी सावंत हे अनुभवी खेळाडु आहेत.
पुरुष संघाचे नेतृत्व अक्षय जाधवकडे असणार आहे तर महिला संघाचे नेतृत्व अंकिता जगतापकडे सोपवले आहे. पुरुष संघाच्या प्रशिक्षकपदी योगेश यादव तर महिला संघाच्या प्रशिक्षकपदी भरत शिळीमकर यांची नियुक्ती करण्यात आली आहे.
सदर स्पर्धा दि. १९ डिसेंबर २०१९ ते २२ डिसेंबर २०१९ या कालावधीमध्ये पवन तलाव मैदान, इंदिरा गांधी स्टेडियम शेजारी, चिपळूण, जिल्हा रत्नागिरी येथे आयोजित करण्यात आली आहे.
पुणे जिल्हा पुरुष संघ: अक्षय जाधव (कर्णधार) सुनिल दुबिले, विकास काळे, मनोज बोंद्रे, चेतन पारघे, तुषार आधवडे, पवन कारंडे, सुधाकर कदम, सौरभ अनमल, शुभम कुंभार, विठ्ठल कट्टीमनी, गोकुळ तोडकर
प्रशिक्षक: श्री. योगेश यादव
व्यवस्थापक: श्री. शेखर रावडे
पुणे जिल्हा महिला संघ: अंकिता जगताप (कर्णधार), मानसी सावंत, पुजा शेलार, तृप्ती लांडगे, अपुर्वा मुरकुटे, श्रद्धा चव्हाण, मानसी रोडे, आदिती जाधव, आम्रपाली गलांडे, दिक्षा जोरी, आरती बोडके, पायल वसवे
प्रशिक्षक: श्री. भरत शिळीमकर
व्यवस्थापीका: सौ. ज्योती पाटील