लाईव्ह सामन्यातील ‘त्या’ विवादावरुन कार्तिकने उठवला पडदा, सांगितले का अश्विनवर भडकला मॉर्गन?

दिल्ली कॅपिटल्स विरुद्ध कोलकाता नाईट रायडर्स यांच्यात मंगळवारी (२८ सप्टेंबर) आयपीएल २०२१ चा ४१ वा सामना झाला. शारजाहच्या मैदानावर झालेल्या या सामन्यात कोलकाता संघाने दिल्लीवर ३ विकेट्सने सोपा विजय मिळवला. या सामन्यादरम्यान प्रतिस्पर्धी संघातील आर अश्विन आणि टीम साऊथी यांच्यामध्ये शाब्दिक बाचाबाची झाली. यामध्ये कोलकाताचा कर्णधार इयॉन मॉर्गन यानेही उडी घेत अश्विनला ऐकवण्याचा प्रयत्न केला. त्यामुळे दिल्लीचा कर्णधार रिषभ पंतही त्याच्याशी भिडला होता. मात्र यष्टीरक्षक दिनेश कार्तिकने पुढाकार घेत हा वाद मिटवला होता. आता त्याने हा वाद पेटण्यामागचे कारणही सांगितले आहे.

या विवादाविषयी कोलकाताचा यष्टीरक्षक फलंदज कार्तिक म्हणाला की, “मला इतके माहिती आहे की, अश्विन बाद होण्यापूर्वी राहुल त्रिपाठीने चेंडू टाकला आणि तो रिषभ पंतच्या शरीराला लागून दूर निघून गेला. यावर अश्विनने धाव घेण्याचा प्रयत्न केला आणि त्यानुसार तो पळालासुद्धा. पण कदाचित इयॉन मॉर्गनला त्याची ही गोष्ट खटकली. मला वाटते की, जेव्हाही चेंडू फलंदाज किंवा त्याच्या बॅटला धडकतो, तेव्हा खेळ भावनेनुसार फलंदाजाने धाव घेऊ नये. याविषयी ज्याचे त्याचे वेगवेगळे मत असू शकते. पण मी या वादात शांतीदूताची भूमिका बजावली आणि माझ्यामुळे वाद मिटला, याचा मला आनंद आहे.”

दिल्लीचा कर्णधार रिषभला या घटनेबद्दल विचारले गेले. यावर तो म्हणाला की, “माझ्या मते हा खेळाचा एक भाग आहे. कारण दोन्ही संघ सामना जिंकण्यासाठी प्रयत्नशील होते आणि अशावेळी अशा घटना घडत असतात. जे काही खेळाच्या दृष्टीने चांगले असते, ते एकप्रकारे खेळ भावनेचाच भाग असते, असे मला वाटते.”

सेहवागला पछाडत पंतच्या दिल्लीसाठी सर्वाधिक धावा; तर इतर संघांसाठी ‘हे’ खेळाडू आहेत ‘रनमशीन’