‘या’ ४ भारतीय दिग्गजांप्रमाणे खराब फॉर्मशी झगडत असलेला विराटही अचानक टाकणार निवृत्तीचा ‘बॉम्ब’!

भारतीय संघाचा माजी कर्णधार आणि दिग्गज फलंदाज विराट कोहली (Virat Kohli) सध्या त्याच्या कारकिर्दीतील सर्वात खराब फॉर्ममध्ये आहे. अशात अनेकदा नेटकरी आणि टीकाकार विराटकडे निवृत्ती घेण्याची मागणीही करत असतात. दरम्यान सध्या विराट ज्या कठीण काळातून जात आहेत, अगदी तशीच परिस्थिती भारताच्या काही माजी खेळाडूंवर देखील आली होती. परंतु हे खेळाडू या परिस्थितीला सामोरे जाऊ न शकल्यामुळे त्यांनी आंतरराष्ट्रीय क्रिकेटमधून निवृत्तीचा निर्णय घेतला. आपण या लेखात अशाच चार भारतीय दिग्गजांची माहिती घेणार आहोत, ज्यांनी खराब फॉर्ममुळे आंतरराष्ट्रीय क्रिकेटमधून निवृत्ती घेतली.

विरेंद्र सेहवाग –
क्रिकेटच्या इतिहासातील विस्फोटक सलामीवीरांचा जेव्हा कधी उल्लेख केला जाईल, तेव्हा विरेंद्र सेहवाग (Virendाी Sehwag) हे नाव त्यामध्ये प्रामुख्याने घेतले जाईल. सेहवागने त्याच्या आक्रमक फलंदाजीमुळे कसोटी क्रिकेटला पूर्णपणे वेगळे वळण दिले होते. भारतासाठी तिहेरी शतक मारणारा सेहवाग पहिला फलंदाज आहे. परंतु त्याच्या कारकिर्दीचा शेवट अपेक्षेप्रमाणे झाला नव्हता.

२०११ साली सेहवागने वनडे सामन्यात द्विशतक केले होते आणि त्यानंतर त्याच्या प्रदर्शाला उतरती कळा लागली होती. २०१२-१३ मध्ये त्याला त्याला अपेक्षित प्रदर्शन करता आले नाही. २०१० मध्ये खेळलेल्या एका कसोटी सामन्यात सेहवागने शतक केले होते, त्यानंतर खेळलेल्या तब्बल ४० डावांमध्ये तो फक्त एक शतक करू शकला होता. कसोटी संघातून बाहेर असताना अखेर २०१५ मध्ये सेहवागने आंतरराष्ट्रीय क्रिकेटमधून निवृत्तीचा निर्णय घेतला होता.