यं दाच्या आयपीएल हंगामातील (Indian Premier League 2025) 42वा सामना (24 एप्रिल) रोजी राॅयल चॅलेंजर्स बंगळुरू विरूद्ध राजस्थान राॅयल्स (RCB vs RR) संघात खेळला जाणार आहे. दोन्ही संघ बंगळुरूच्या एम चिन्नस्वामी स्टेडियमवर आमने-सामने असतील. तत्पूर्वी राजस्थान संघाला मोठा धक्का बसला आहे. कारण स्टार खेळाडू संजू सॅमसन या सामन्यातून बाहेर पडला आहे. (Sanju Samson Ruled Out Against RCB Match)
🚨 A HUGE SET-BACK FOR RAJASTHAN ROYALS 🚨
— Johns. (@CricCrazyJohns) April 21, 2025
– Sanju Samson ruled out of the RCB match on April 24th. pic.twitter.com/EW0LiwvYm3
दिल्ली कॅपिटल्सविरुद्ध नुकत्याच झालेल्या सामन्यात राजस्थान रॉयल्सचा कर्णधार संजू सॅमसनला फलंदाजी करताना स्नायूंचा ताण आला होता. यानंतर त्याला दुखापतीमुळे निवृत्त व्हावे लागले. या दुखापतीमुळे संजू सॅमसन लखनऊ सुपर जायंट्स विरुद्धच्या पुढच्या सामन्यात खेळू शकला नाही. आता त्याला संघाच्या पुढील सामन्यालाही मुकावे लागेल. अशा परिस्थितीत राजस्थान रॉयल्ससाठी हा एक मोठा धक्का मानला जाऊ शकतो. सॅमसनच्या अनुपस्थितीत, 14व्या वर्षी लीगमध्ये पदार्पण करून इतिहास रचणाऱ्या वैभव सूर्यवंशीला आरसीबीविरुद्ध डावाची सुरुवात करण्याची संधी मिळू शकते.
या आयपीएल हंगामात राजस्थान रॉयल्सची परिस्थिती खूपच वाईट दिसत आहे. जिथे त्यांना आतापर्यंत खेळलेल्या एकूण 8 सामन्यांपैकी फक्त 2 सामने जिंकता आले आहेत. तर त्यांना 6 सामन्यांमध्ये पराभवाचा सामना करावा लागला. हा संघ 4 गुणांसह आणि -0.633च्या नेट रन रेटसह गुणतालिकेत 8व्या स्थानावर आहे.
