भारताचे माजी मुख्य प्रशिक्षक रवी शास्त्री यांनी दावा केला आहे की, जर ते इंडियन प्रीमियर लीग (आयपीएल) लिलावात खेळाडू म्हणून सहभागी झाले असते तर, त्यांना एक मिलियन डॉलर्सचा करार मिळाला असता. खेळाच्या तिनही प्रकारात योगदान देणा-या आणि अष्टपैलू खेळाडूंना आयपीएलमध्ये नेहमीच जास्त मागणी असते. त्यामुळे रवी शास्त्रींना नक्कीच आयपीएलमध्ये प्रचंड पैसा मिळाला असता. भारतासाठी खेळलेल्या सर्वोत्कृष्ट अष्टपैलू खेळाडूंपैकी एक असलेले रवी शास्त्री त्यांच्या काकडीचा दिवसांमध्ये त्यांच्या आक्रमक क्रिकेटशैलीसाठी खूप लोकप्रिय होते.
अलीकडे, लिलावात खेळाडू म्हणून त्याला किती पैसे मिळतील याबद्दल विचारले असता, शास्त्री यांनी दावा केला की, तो १५ कोटी रुपयांच्या ब्रॅकेटमध्ये आरामात बसले असते. तसेच त्यांनी एखाद्या फ्रँचायझीचे नेतृत्वही केले असते. एका क्रिकेट संकेतस्थळाशी बोलताना शास्त्री म्हणाले, “मी खेळाडू म्हणून आयपीएल मध्ये असतो तर, १५ कोटींच्या ब्रॅकेटमध्ये आरामात असतो. मी असताना दुसरे कोणी कर्णधार होण्याचाही प्रश्‍न नाही.” आयपीएल लिलावाने अनेक क्रिकेटपटूंचे आयुष्य बदलले हे सर्वज्ञात आहे. युवराज सिंग, रवींद्र जडेजा, कृष्णप्पा गौतम, कृणाल पांड्या आणि हार्दिक पांड्या यांसारख्या अनेक भारतीय अष्टपैलू खेळाडूंनी लिलावात मोठी रक्कम मिळवली आहे.
शास्त्रींबद्दल बोलायचे तर ते आक्रमक फलंदाज आणि डावखुरे फिरकी गोलंदाज होते. बडोद्याच्या टिळक राज विरुद्ध रणजी ट्रॉफी सामन्यात बॉम्बे (आता मुंबई) संघाकडून खेळताना एका षटकात सहा षटकार त्यांनी मारले. शास्त्री हे मुंबईचे रहिवासी होते. एकूणच रवी शास्त्री यांनी आपल्या आंतरराष्ट्रीय कारकिर्दीत भारतीय संघासाठी ८० कसोटी आणि १५० वनडे सामने खेळले आहेत. त्यांनी दोन्ही प्रकारात अनुक्रमे ३८३० आणि ३१०८ धावा केल्या आहेत. त्यांच्या नावावर आंतरराष्ट्रीय क्रिकेटमध्ये २८० बळींची नोंदही केली आहे.
महत्वाच्या बातम्या-
