आयपीएल २०२२ चा पहिला क्वालिफायर सामना राजस्थान रॉयल्स आणि गुजरात टायटन्स यांच्यात मंगळवारी (२४ मे) खेळला जाणार आहे. या सामन्यासाठी दोन्ही संघ तयारीत आहेत. राजस्थानचा संघ मुंबईवरून कोलकात्यासाठी विमानाने रवाना झाला. यादरम्यान राजस्थान संघाच्या ट्वीटर खात्यावरून एक व्हिडिओ शेअर केला गेला, जो चांगलाच व्हायरल होत आहे. व्हिडिओमध्ये रविचंद्रन अश्विन विमानात बुद्धिबळ खेळताना दिसत आहे.
मुंबईवरून कोलकातासाठी रवाना झालेला राजस्थान रॉयल्स संघ विमानात काय करत होता?, हे या व्हिडिओमध्ये स्पष्टपणे दिसत आहे. राजस्थान फ्रँचायझीच्या अधिकृत ट्वीटरवरून शेअर केलेल्या व्हिडिओत रविचंद्रन अश्विन (Ravichandran Ashwin) मोकळ्या वेळेत बुद्धिबळ खेळताना दिसत आहे. बुद्धिबळ खेळताना अश्विनपुढे संघातील एका सहकाऱ्याने आव्हान आहे. अश्विन विरोधकाला मात देण्याच्या पूर्ण प्रयत्न करताना दिसत आहे आणि त्याचे लक्ष्य दुसरीकडे जराही जात नाहीये.
राजस्थान रॉयल्सने या व्हिडिओला एक मजेशीर कॅप्शन देखील दिले आहे. स्माईलीच्या इमोजिसह फ्रँचायझीने लिहिले आहे की, “आर अश्विनसाठी कोणताही ऑफ डे नाहीये.” हा व्हिडिओ पाहिल्यानंतर राजस्थान संघाचा फिरकी गोलदाज युजवेंद्र चहल (Yuzvendra Chahal) कमेंटच्या माध्यमातून व्यक्त झाला. चहलने कमेंटमध्ये लिहिले की, “मी सहभागी होऊ शकतो का?” चहलच्या या प्रश्नावर अश्विनने मजेशीर अंदाजात “नाही” असे उत्तर दिले. फ्रँचायझीने शेअर केलेला हा व्हिडिओ आणि संघातील खेळाडूंच्या कमेंट्स सध्या चर्चेत आहेत.
No off days for @ashwinravi99’s ????… ???? pic.twitter.com/85OmSCn7p2
— Rajasthan Royals (@rajasthanroyals) May 22, 2022