IPL 2025: आरसीबीने पंजाब किंग्जचा शानदार पद्धतीने 8 विकेट्सने पराभव करून आयपीएल 2025च्या अंतिम फेरीत प्रवेश केला. (RCB Beat PBKS) पंजाब किंग्जने प्रथम फलंदाजी करताना 101 धावा केल्या. त्यानंतर फिल साॅल्टच्या अर्धशतकामुळे आरसीबीने सहज लक्ष्य गाठले. सामन्यानंतर आरसीबी कर्णधार रजत पाटीदारने फिल साॅल्ट आणि सुयश शर्मा यांचे कौतुक केले आहे. Captain Rajat Patidar Reaction
रजत पाटीदारने सामन्यानंतर सांगितले की, आम्हाला गोलंदाजी कशी करायची याबद्दल आमच्या योजनेत खूप स्पष्टता होती. वेगवान गोलंदाजांनी खेळपट्टीचा चांगला वापर केला आणि सुयश शर्मानेही (Suyash Sharma Player Of the match) चांगली गोलंदाजी केली. तो स्टंपवर गोलंदाजी करतो जी त्याची ताकद आहे. या प्रक्रियेत तो काही धावा देतो तर मला काही हरकत नाही. मी त्याला काहीही म्हणत नाही कारण मी त्याला गोंधळात टाकू इच्छित नाही. त्याने त्याच्या लाईन आणि लेंथसह ज्या पद्धतीने गोलंदाजी केली ती खरोखर चांगली होती.
रजत पाटीदार म्हणाला की, तो (फिल साल्ट) बहुतेक सामन्यांमध्ये तो ज्या पद्धतीने सुरुवात देत आहे, त्यावरून मी त्याचा खूप मोठा चाहता आहे. त्याला डगआउटमधून पाहणे ही एक ट्रीट आहे. मी नेहमीच आरसीबी चाहत्यांचे आभार मानतो. केवळ चिन्नास्वामीच नाही तर आपण जिथेही जातो तिथे आपल्याला असे वाटते की ते आपले घरचे मैदान आहे. आम्हाला पाठिंबा देत रहा. आणखी एक सामना (अंतिम). यानंतर आपण एकत्र आनंद साजरा करू.
आरसीबीविरुद्धच्या सामन्यात पंजाब किंग्जचे फलंदाज चांगली कामगिरी करण्यात पूर्णपणे अपयशी ठरले. सुयश शर्माने त्याच्या तीन षटकांमध्ये फक्त 17 धावा देत तीन विकेट्स घेतल्या. त्याच्या शानदार कामगिरीसाठी त्याला सामनावीराचा पुरस्कार मिळाला. त्याच्याशिवाय फिल साॅल्टने अर्धशतक झळकावले. त्याने 56* धावांची खेळी खेळली.
