रॉयल चॅलेंजर्स बंगळुरूने प्लेऑफमध्ये आपले स्थान निश्चित केले आहे. संघाला लीग टप्प्यातील शेवटचा सामना लखनऊविरुद्ध (LSG vs RCB) खेळायचा आहे, जो त्यांच्यासाठी टॉप-2 मध्ये पोहोचण्यासाठी महत्त्वाचा आहे. तत्पूर्वी, रजत पाटीदार आणि संघासाठी आनंदाची बातमी आली आहे. घातक ऑस्ट्रेलियन गोलंदाज जोश हेझलवूड भारतात परतला आहे, तो संघात सामील झाला आहे. (Josh Hazlewood Joined RCB)
8 मे रोजी आयपीएल काही काळासाठी थांबवण्यात आल्यानंतर, ऑस्ट्रेलियाचा वेगवान गोलंदाज जोश हेझलवूड मायदेशी परतला. मात्र स्पर्धा पुन्हा सुरू झाल्यानंतरही तो भारतात परतला नाही. यामागे एक महत्त्वाचे कारण होते, ते म्हणजे 11 जूनपासून सुरू होणाऱ्या वर्ल्ड टेस्ट चॅम्पियनशिपच्या अंतिम सामन्यासाठी तो ऑस्ट्रेलियन संघात निवडला गेला होता, आणि त्यामुळे त्याच्या आयपीएलमध्ये खेळण्यावर अनिश्चितता निर्माण झाली होती.
तथापि, क्रिकेट ऑस्ट्रेलियाने यावर आपली भूमिका स्पष्ट केली होती. त्यांनी सांगितले की, कोणताही खेळाडू आयपीएलसाठी भारतात परतण्याचा निर्णय घेतल्यास, बोर्ड त्याचा सन्मान करेल आणि पूर्ण पाठिंबा देईल. (Josh Hazlewood return IPL 2025)
THE ARRIVAL OF JOSH HAZELWOOD..!!!! ????
— Tanuj (@ImTanujSingh) May 25, 2025
– The Main man of RCB's bowling Josh Hazelwood Joined the team for IPL 2025. pic.twitter.com/jGeAPRysit
ऑस्ट्रेलियन वेगवान गोलंदाजा हेझलवूडने आरसीबीला प्लेऑफमध्ये नेण्यात महत्त्वाची भूमिका बजावली आहे, याचा अंदाज तुम्ही यावरून लावू शकता की तो अजूनही स्पर्धेत सर्वाधिक विकेट घेणाऱ्या गोलंदाजांच्या यादीत टॉप-5 गोलंदाजांमध्ये आहे. त्याने 10 सामन्यांमध्ये 18 विकेट घेतल्या आहेत, तो पर्पल कॅप होल्डर प्रसिद्ध कृष्णापेक्षा 4 विकेट मागे आहे. Josh Hazlewood wickets IPL 2025
आयपीएल 18च्या हंगामातील लीग टप्प्यातील अंतिम सामना 27 मे रोजी एकाना स्टेडियमवर लखनऊ आणि बंगळुरू यांच्यात खेळला जाईल. पॉइंट्स टेबलमध्ये टॉप-2 मध्ये पोहोचण्यासाठी आरसीबीला कोणत्याही किंमतीत हा सामना जिंकावा लागेल. RCB top 2 qualification scenario
