संपूर्ण भारतात कोरोनाने मोठ्या प्रमाणात धुमाकूळ घातला आहे. या कठीण परिस्थितीत सर्वच क्षेत्रांकडून कोरोना विरुद्धच्या लढ्यात सहभागी होणाऱ्या योध्यांच्या सन्मानार्थ उपक्रम राबविले जात आहेत. या सर्वांमध्ये आयपीएल संघ रॉयल चॅलेंजेस बेंगलोर देखील पुढे आला आहे. बेंगलोरने आगामी सामन्यात निळ्या रंगाच्या जर्सी मध्ये उतरून कोरोना योद्ध्यांचा सन्मान करण्याचा निर्णय घेतला आहे.
बेंगलोरने आपल्या अधिकृत ट्विटर अकाऊंट वरून संघाची जर्सी प्रसिद्ध करत आपला निर्णय जाहीर केला आहे. बेंगलोरने आपल्या ट्विट मध्ये लिहले की, आम्ही कोरोना काळात लढा देणाऱ्या व्यक्तींच्या सन्मानार्थ हा बदल करत आहोत. दरम्यान बेंगलोरच्या आयपीएल मधील कामगिरीचा विचार केला असता संघाने आतापर्यंत शानदार कामगिरी केलेली आहे. त्यांचे 7 सामन्यात 5 विजय व केवळ 2 पराभवांसह 10 गुण आहेत.
This season RCB is going to be sporting a special Blue jersey in 1 of the upcoming matches with key messaging on the match kit to pay our respect & show solidarity to all the front line heroes who have spent last year wearing PPE kits & leading the fight against the pandemic. pic.twitter.com/HUOAL12VVy
— Royal Challengers Bengaluru (@RCBTweets) May 2, 2021
दरम्यान आरसीबीच्या नुकत्याच झालेल्या सामन्याचा विचार केला असता, पंजाब विरुद्ध त्यांना पराभव पत्करावा लागला. प्रथम फलंदाजी करत असलेल्या पंजाबने निर्धारित 20 षटकात 5 गडी गमावत 179 धावांपर्यंत मजल मारली. पंजाब कडून कर्णधार के एल राहुलने नाबाद 91 तर गेलने 46 धावांची खेळी केली. बेंगलोर कडून काईल जेमिंसन 2 गडी बाद केले.
प्रत्युत्तरात बेंगलोरचा पूर्ण संघ 20 षटकांत 8 गडी गमावून केवळ 145 धावाच करू शकला व पंजाबने 34 धावांनी सहज विजय मिळवला. पंजाब कडून या सत्रातील पहिलाच सामना खेळत असलेल्या फिरकीपटू हरप्रीत बारने 3 गडी बाद केले. दरम्यान विजयाची मालिका खंडित झालेल्या आरसीबी संघाकडून आगामी काळात समर्थकांना उत्तम कामगिरीची अपेक्षा असणार आहे.
महत्त्वाच्या बातम्या –
गोंधळच गोंधळ! विकेट वाचवण्याच्या नादात दोन्ही फलंदाज धावले एकाच एंडला, पाहा व्हिडिओ
व्हिडिओ : सनरायझर्स हैद्राबादची गचाळ फिल्डिंग! बटलर आणि सॅमसनचे सोडले सोपे झेल