आयपीएल 2025 मधील 52वा सामना (3 मे) रोजी चेन्नई सुपर किंग्ज विरूद्ध राॅयल चॅलेंजर्स बंगळुरू संघात खेळला गेला. या रोमांचक सामन्यात आरसीबीने 2 धावांनी शानदार विजय मिळवला. या शानदार विजयासह आरसीबी संघ गुणतालिकेत 16 गुणांसह अव्वल स्थानी पोहोचला आहे.
पहिल्या डावात खेळताना आरसीबीने 213 धावा केल्या, ज्याच्या प्रत्युत्तरात चेन्नईचा संघ निर्धारित 20 षटकांत केवळ 211 धावाच करू शकला. यासह, आरसीबीने आयपीएल 2025च्या प्लेऑफमधील आपले स्थान जवळजवळ निश्चित केले आहे. 17 वर्षीय आयुष म्हात्रे याने या सामन्यात 94 धावांची खेळी केली.
लक्ष्याचा पाठलाग करताना सीएसकेने शानदार सुरुवात केली. शेख रशीदने 14 धावा केल्या, परंतु त्याने 17 वर्षीय आयुष म्हात्रेसह केवळ 4.3 षटकांत सीएसकेची धावसंख्या 50 धावांच्या पुढे नेली. पण तो 14 धावांवर बाद झाला. त्यानंतर सॅम करन देखील जास्त काळ क्रीजवर टिकू शकला नाही. तो केवळ 5 धावा करून बाद झाला.
चेन्नईने 58 धावांवर 2 विकेट्स गमावल्या, पण त्यानंतर आयुष म्हात्रे आणि रवींद्र जडेजा यांनी शानदार फलंदाजी केली. चौकार आणि षटकारांचा पाऊस पाडला. म्हात्रे 48 चेंडूत 94 धावा करून बाद झाला, जर त्याने आणखी 6 धावा केल्या असत्या तर तो आयपीएलच्या इतिहासातील दुसरा सर्वात तरुण शतकवीर ठरला असता. त्याने त्याच्या खेळीत 9 चौकारांसह 5 षटकार ठोकले. म्हत्रेच्या विकेटने सामना आरसीबीकडे फिरला. त्याला लुंगी एन्गिडीने झेलबाद केले.
My turn now, says Mhatre to Shepherd 😎👌
— IndianPremierLeague (@IPL) May 3, 2025
The 17-year-old with a couple of 𝗛𝗨𝗚𝗘 maximums 👊#CSK need 94 from 55 deliveries.
Updates ▶ https://t.co/I4Eij3Zfwf#TATAIPL | #RCBvCSK | @ChennaiIPL pic.twitter.com/9vBHUEco8y
जोपर्यंत आयुष म्हात्रे (Ayush Mhatre) आणि रवींद्र जडेजा (Ravindra Jadeja) क्रीजवर होते तोपर्यंत सीएसकेचा विजय सोपा वाटत होता. म्हात्रे 94 धावांवर बाद झाल्यानंतर जडेजाने जबाबदारी घेतली. तो शेवटपर्यंत क्रीजवर राहिला आणि 45 चेंडूत 77 धावांची त्याची नाबाद खेळी चेन्नईला मदत करू शकली नाही. एमएस धोनी पुन्हा एकदा अपयशी ठरला, जो सामना संपण्यापूर्वी 12 धावा करून तंबूत परतला.
सीएसकेला शेवटच्या षटकात विजयासाठी 15 धावा करायच्या होत्या. पहिल्या 2 चेंडूंवर 1 धाव आली, पण त्यानंतर तिसऱ्या चेंडूवर यश दयालने धोनीला एलबीडब्ल्यू बाद केले. चौथ्या चेंडूला नो-बॉल घोषित करण्यात आला, ज्यावर शिवम दुबेने खणखणीत षटकार मारला आणि सामना सीएसकेच्या बाजूने केला, परंतु शेवटच्या 2 चेंडूंमध्ये सामना उलटण्याच्या बेतात होता. पण यश दयालने शेवटच्या 2 चेंडूंवर फक्त 2 धावा दिल्या, ज्यामुळे आरसीबीने 2 धावांनी रोमांचक विजय मिळवला.
