पावसामुळे झालेल्या सामन्यात पंजाब किंग्जने आरसीबीचा पाच विकेट्सने पराभव केला. या सामन्यात आरसीबी संघाने प्रथम फलंदाजी करत 14 षटकांत 95 धावा केल्या. नेहल वढेराच्या खेळीमुळे पंजाब किंग्जने लक्ष्य सहज गाठले. पंजाबचा कर्णधार श्रेयस अय्यर म्हणाला की त्याच्या गोलंदाजांनी परिस्थितीशी उत्तम प्रकारे जुळवून घेतले.
सामन्यानंतर पंजाब किंग्जचा कर्णधार श्रेयस अय्यर म्हणाला की, आम्हाला सर्व प्रकारच्या परिस्थितींचा अनुभव मिळत आहे. या सामन्यातही आम्ही आमच्या रणनीतीवर ठाम राहिलो. आम्ही आमच्या योजनेनुसार जात होतो. मार्को (जॅन्सेन) ला बाउन्स घेता आला. उर्वरित गोलंदाजांनी त्याला साथ दिली. आम्हाला या खेळपट्टीबद्दल आणि ती कशी वागेल याबद्दल माहिती नव्हती. आमच्या गोलंदाजांनी परिस्थितीशी जुळवून घेतले.
सामन्यात शानदार खेळी करणाऱ्या नेहल वढेराबद्दल श्रेयस अय्यर म्हणाला की, नेहलने आज शानदार कामगिरी केली. त्याच्यासारखा फलंदाज संघात असणे चांगले आहे. मला आशा आहे की तो हा फॉर्म कायम ठेवेल. मी चहलशी वैयक्तिकरित्या बोललो. मी त्याला सांगितले की तू सामना जिंकवणारा आहेस आणि तुला आम्हाला शक्य तितके जास्त विकेट मिळवून द्यायचे आहेत. त्याच्यात पुनरागमन करण्याची क्षमता आहे. लेग-स्पिनर म्हणून आम्ही त्याचे कौतुक करतो. तो कदाचित आयपीएलमधील आतापर्यंतचा सर्वोत्तम गोलंदाज आहे. अर्शदीप सिंगनेही शानदार गोलंदाजी करून आपले काम चोख बजावले.
