अपघातानंतर रिषभ पंतच्या आयुष्यात मोठे बदल! पंतने सांगितली अपघातानंतरची कहाणी

सध्या आयपीएलचा 18वा हंगामा सुरू आहे. (IPL Season 18) तत्पूर्वी रिषभ पंत (Rishabh Pant) हे क्रिकेट जगतातील एक मोठे नाव आहे आणि त्याने आयपीएलमध्येही इतिहास रचला. पंत आयपीएलच्या इतिहासातील सर्वात महागडा खेळाडू आहे. या आयपीएलमध्ये लखनऊ सुपर जायंट्सने (LSG) त्याला 27 कोटी रुपयांना आपल्या ताफ्यात सामील केले. पंतच्या आयुष्यात काय घडले हे सर्वांना माहिती आहे, आज पंत मृत्यूलाही हरवून क्रिकेट जगतावर राज्य करत आहे. पंतचा कार अपघात झाला होता. (30 डिसेंबर 2022 रोजी, दिल्लीहून रुरकीला जात असताना त्याची मर्सिडीज कार डिव्हायडरला धडकली. झोपेमुळे गाडी नियंत्रणाबाहेर गेली आणि अपघात झाला.

त्या भयानक अपघातानंतर सर्वांनी त्याच्या बरे होण्याची आशा सोडून दिली होती. पण पंतने आपल्या दृढनिश्चयाच्या आणि कठोर परिश्रमाच्या बळावर पुन्हा एकदा स्वतःला उभे केले आणि सर्वांसाठी एक आदर्श निर्माण केला. एका भयानक कार अपघातानंतर, पंतने 2024च्या टी20 विश्वचषकात पुनरागमन केले. अलिकडेच एका मुलाखतीत, जेव्हा पंतला विचारण्यात आले की अपघातानंतर त्याच्या आयुष्यात कोणते बदल झाले, तेव्हा त्याने काय उत्तर दिले ते आपण जाणून घेऊया.

अलीकडेच, पंतला त्याच्या फिटनेस प्रवासाबद्दल आणि अपघातानंतर त्याच्या आयुष्यात कोणते बदल झाले आहेत याबद्दल विचारण्यात आले. यावर रिषभ पंतने त्याच्या प्रवासाबद्दल सांगितले आणि सांगितले की जेव्हा शरीरात स्नायू तुटतात तेव्हा पूर्वीपेक्षा जास्त मेहनत करावी लागते आणि दररोज जिममध्ये जावे लागते. दरम्यान, पंत अक्षर पटेलची खिल्ली उडवताना म्हणतो की पटेलकडे बघा, तुम्ही जे काही खाता ते त्यांच्या शरीरात शोषले जात नाही, पण तो म्हणतो की तुम्ही पाणी प्यायले तरी ते शरीरात शोषले जाते, माझ्या बाबतीतही तसेच आहे. मला दुप्पट मेहनत करावी लागते आणि माझ्या आहाराची विशेष काळजी घ्यावी लागते. अपघातानंतर, प्रत्येक गोष्टीची खूप काळजी घ्यावी लागते.

View this post on Instagram

A post shared by Star Sports India (@starsportsindia)

रिषभ पंतची आंतरराष्ट्रीय कारकिर्द-

कसोटी क्रिकेट
सामने: 43
धावा: 2,948
सरासरी: 42.11
स्ट्राइक रेट: 73.63
सर्वोच्च धावसंख्या: 159*
शतक/अर्धशतक: 6/15

वनडे क्रिकेट
सामने: 31
धावा: 871
सरासरी: 33.50
स्ट्राइक रेट: 106.22
सर्वोच्च धावसंख्या: 125*
शतक/अर्धशतक: 1/5

टी20 आंतरराष्ट्रीय
सामने: 76
धावा: 1,209
सरासरी: 23.25
स्ट्राइक रेट: 127.26
सर्वोच्च धावसंख्या: 65*
शतक/अर्धशतक: 0/3