इंग्लंडविरुद्ध खेळल्या गेलेल्या मर्यादित षटकांच्या मालिकेत चमकदार कामगिरी केल्याने रिषभ पंतची सर्वत्र चर्चा होत आहे. शेवटच्या एकदिवसीय सामन्यात रिषभ पंतने एकदिवसीय कारकिर्दीतील पहिले शतक झळकावून मालिका भारताच्या झोळीत टाकली. पण एकदिवसीय मालिका संपल्यानंतर रिषभ पंतचा वेगळाच अवतार सोशल मीडियावर पाहायला मिळत आहे. रिषभ पंतने मिर्झापूर या प्रसिद्ध वेब सिरीजमधील मुन्ना भैया असे स्वत:चे वर्णन केले आहे.
रिषभ पंतने ट्विटरवर दोन फोटो शेअर केले आहेत. या चित्रांमध्ये पंत खुर्चीजवळ उभे आहेत. ही छायाचित्रे पोस्ट करत रिषभ पंतने लिहिले, “आता आम्ही एक नवीन नियम जोडत आहोत, जो मिर्झापूरच्या गादीवर बसतो तो कधीही नियम बदलू शकतो – मुन्ना भैया.”
Aur hum ek naya niyam add kar rahe hain, Mirzapur ki gaddi pe baithne wala kabhi bhi niyam badal sakta hai – Munna Bhaiya. ????#RP17 pic.twitter.com/kSpyG6B4yk
— Rishabh Pant (@RishabhPant17) July 19, 2022
मिर्झापूर वेब सीरिजचे दोन्ही सीझन खूप लोकप्रिय झाले आहेत. याच मालिकेदरम्यान मुन्ना भैय्या नावाच्या पात्राने नियम बदलणारे संवाद म्हटले. या डायलॉगची सोशल मीडियावरही खूप चर्चा झाली.
रिषभ पंत हे नाव देखील सोशल मीडियावर सध्या चर्चेत आहे. कसोटी असो की वनडे-टी-२०, रिषभ पंतने प्रत्येक फॉरमॅटमध्ये स्वत:ला तंदुरुस्त सिद्ध केले आहे. सध्या रिषभ पंत हा तिन्ही फॉरमॅटमध्ये टीम इंडियासाठी नंबर वन परफॉर्मर आहे. रिषभ पंतही आपल्या शानदार कामगिरीच्या जोरावर भावी कर्णधार म्हणून दावा करत आहे. रिषभ पंतला नुकतीच दक्षिण आफ्रिकेविरुद्धच्या टी-२० मालिकेत कर्णधारपदाची संधी मिळाली.
दरम्यान, इंग्लंडविरुद्धच्या निर्णायक तिसऱ्या एकदिवसीय सामन्यात भारतीय संघ खराब स्थितीत असताना रिषभ फलंदाजीसाठी आला आणि शानदार शतक झळलकावत भारतासाठी सामनावीर ठरला. हे त्याच्या एकदिवसीय कारकिर्दीतील पहिले शतक होते. शिवाय हे शतक झळकावल्यानंतर आता रिषभला ट्रोल करणाऱ्यांच्या तोंडावर वटक बसला आहे.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या –
काय सांगता! आयपीएलच्या ‘या’ फ्रँचायझीने दक्षिण आफ्रिकेत विकत घेतलेत ६ टी२० संघ
युवा खेळाडूंमुळे बदललाय राहुल द्रविडचा स्वभाव, वेस्ट इंडीज दौऱ्यात दिसला नवीन अंदाजात
