आयपीएल 2020 च्या अंतिम सामन्यात मुंबई इंडियन्सने दिल्ली कॅपीटल्स संघाचा एकतर्फी पराभव केला. दिल्लीने प्रथम फलंदाजी करताना उभ्या केलेल्या 157 धावांचे लक्ष्य मुंबईच्या संघाने सहजपणे पार केले आणि पाच गडी राखून विजय मिळवला. याबरोबरच पाचव्यांदा ट्रॉफीवर आपले नाव कोरले.
सामन्यानंतर रोहित शर्मा या विजयाबद्दल म्हणाला, “ज्याप्रमाणे आमच्या संघाने सुरुवातीपासून खेळ केला, त्यावर मी खूप खुष आहे. जिंकण्याची सवय आम्हाला अशीच ठेवायची आहे. यापेक्षा जास्त अपेक्षा आम्ही नाही करू शकत. पहिल्या चेंडुपासूनच आम्ही आमचे प्रयत्न सुरू करतो. सहकाऱ्यांना देखील विजयाचे तितकेच श्रेय जाते.”
पंड्या ब्रदर्स व पोलार्डवरही केले भाष्य
संघाचे प्रमुख व जुने खेळाडू कायरन पोलार्ड, हार्दिक पंड्या व कृणाल पंड्याबद्दलही रोहित शर्माने भाष्य केले. शिवाय राहुल चहरला देखील त्याने संदेश दिला.
“मला संघातील खेळाडूंकडून सर्वश्रेष्ठ प्रदर्शन करून घेण्यासाठी संघात संतुलन बनविणे आवश्यक होते. मी कोणत्याही खेळाडूच्या मागे नाही लागत. पोलार्ड, हार्दिक व कृणाल फार काळापासून संघात खेळत आहेत. त्यामुळे ते जाणतात की त्यांना काय करायचे आहे. आज राहुल चाहर खेळू शकला नाही. याचा अर्थ असा नाही की त्याने काहीतरी कमी केलं होतं. तर ही एक वेगळी योजना होती.”
सुर्यकुमार यादव व ईशान किशनवर रोहित प्रचंड खुष
युवा फलंदाज सुर्यकुमार यादव व ईशान किशन वर कर्णधार रोहित शर्मा भलताच खुष आहे. त्याने म्हटले, “सुर्यकुमार यादव आणि ईशान किशन हे संपूर्ण स्पर्धेत आत्मविश्वासाने खेळले आहेत. सुर्या ज्या फॉर्ममध्ये आहे, मला त्याच्यासाठी माझी विकेट सोडायला हवी होती, असं मला वाटतं. परंतु संपूर्ण हंगामात त्याने उत्तम फलंदाजी केली.”
महत्त्वाच्या बातम्या –
जब जब हम खेलेंगे तब तब जितेंगे! रोहित शर्मासाठी आयपीएलची फायनल नेहमीच ठरलीय लकी
हारले म्हणून काय झालं, दिल्लीचा आयपीएलमधील प्रवास मात्र राहिलाय रोमांचक
रोहित ‘सुपरहिट’ ! अंतिम सामन्यात अर्धशतक करत रचला अनोखा विक्रम