India vs Afghanistan 3rd T20I: भारतीय क्रिकेट संघाचा कर्णधार रोहित शर्मा याने अफगाणिस्तानविरुद्धचा तिसरा टी20 आंतरराष्ट्रीय सामना जिंकून इतिहास रचला आहे. या काळात रोहितने माजी कर्णधार एमएस धोनी याचा विक्रम मोडीत काढला. बेंगलोर येथे खेळल्या गेलेल्या तिसऱ्या टी20 सामन्यात, भारताने दुसऱ्या सुपर ओव्हरमध्ये अफगाणिस्तानचा 10 धावांनी पराभव केला आणि पाहुण्या संघाला मालिकेत 3-0 असा क्लीन स्वीप केला. दोन्ही संघांमध्ये पहिल्यांदाच टी-20 मध्ये द्विपक्षीय मालिका आयोजित करण्यात आली होती. यासह भारताने या फॉरमॅटमध्ये अफगाणिस्तानविरुद्ध आपली अपराजित मोहीम सुरू ठेवली आहे.
छत्तीस वर्षीय रोहित शर्मा (Rohit Sharma) याच्या नेतृत्वाखाली 54 टी-20 सामन्यांमध्ये भारताचा हा 42 वा विजय आहे. रोहित टी20 मध्ये सर्वाधिक सामने जिंकणारा भारतीय कर्णधार बनला आहे. यादरम्यान त्याने कॅप्टन कूल म्हणजेच महेंद्रसिंग धोनी (Ms Dhoni) याचा विक्रम मोडला. धोनीच्या नेतृत्वाखाली भारताने 72 पैकी 41 टी-20 सामने जिंकले होते. पण आता हा विक्रम रोहित शर्माच्या नावावर झाला आहे. तिसरा टी-20 सामना खूपच रोमांचक झाला. या कालावधीत रोहितने त्याच्या टी20 आंतरराष्ट्रीय कारकिर्दीतील 5 वे शतक झळकावले. (rohit sharma surpasses ms dhoni records becomes the indian mens captain to have most wins in t20i)
रोहित टी-20 आंतरराष्ट्रीय क्रिकेटमध्ये सर्वाधिक शतके झळकावणारा फलंदाज बनला आहे. याशिवाय तो या फॉरमॅटमध्ये भारतासाठी सर्वाधिक धावा करणारा कर्णधार बनला आहे. या दरम्यान त्याने विराट कोहलीचाही विक्रम मोडीत काढला आहे. रोहित टी-20 आंतरराष्ट्रीय क्रिकेटमध्ये सर्वाधिक षटकार मारणारा कर्णधार बनला आहे.
रोहित शर्माने 69 चेंडूत नाबाद 121 धावा केल्या. या काळात त्याने 11 चौकार आणि 8 षटकार मारले. हिटमॅनला त्याच्या शानदार खेळीसाठी सामनावीर म्हणून निवडण्यात आले. टी20 कर्णधार म्हणून रोहितला 55 सामन्यांमध्ये सहाव्यांदा सामनावीर म्हणून निवडण्यात आले आहे. भारतीय संघाने टी20 मध्ये 9व्यांदा कोणत्याही संघाचा क्लीन स्वीप केला आहे. यासह भारतीय संघ टी-20 मध्ये कोणत्याही संघाचा सफाया करण्याच्या बाबतीत अव्वल स्थानावर पोहोचला आहे. (Now there is no one in the competition Rohit flew the captaincy flag broke Captain Cool’s record)
हेही वाचा
IND vs AFG: ‘आम्ही पुन्हा वर्ल्ड कप जिंकण्याचा प्रयत्न करू’ अफगाणिस्तानविरूद्ध मालिका जिंकल्यानंतर रोहितचं वक्तव्य
IND vs AFG । 40 ऐवजी 44 षटकाचांचा झाला टी20 सामना, वाचा कसा होता डबल सुपर ओव्हरचा थरार?
